Agaw-pansin ang isang bahay sa Nueva Ecija dahil ito ang design concept nito ay upside down.
Pagpasok sa loob, lahat ng gamit tulad ng furniture, appliances, muebles, at toilet bowl ay nasa taas at wala sa ibaba.
At dahil ang buong bahay ay binaliktad, hindi ito maaaring matirhan.
Sadyang ang objective nito ay maging amusement spot.
Ang ganitong house design ay makikita rin sa ibang panig ng mundo, tulad ng Estonia, Turkiye, Canada, United Kingdom, at Amerika.
Isang version nito sa Pilipinas ay matatagpuan sa Sitio Minalungao, General Tinio, Nueva Ecija. Ilang metro lamang ang layo nito mula sa Minalungao National Park.
Ang kakaibang bahay ay itinampok ni Joseph Pasalo sa kanyang YouTube channel na SEFTV.
Read: Three good friends build Japanese-inspired deck house in Cavite
EVERYTHING IS upside down IN THE HOUSE
Ayon sa mga katiwala ng Minalungao Upside Down House, nakuha ng may-ari ang ideya sa mga napuntahan niyang bahay sa Amerika at Canada.
Ang napiling location ay sa ibabaw ng burol.
Nakakaaliw na bawat detalye ay talagang nakabaliktad.
Ang pasukan ng mga tao ay isang pinto na nasa likuran ng bahay kaya’t ang unang bubungad ay ang kusina na may nakabaliktad na refrigerator, lababo, at dining set.
Karugtong ng kusina ang sala na may nakabaliktad na chandelier—na imbes sa kisame ay sa sahig nakakabit.
Ang sofa set naman ay idinikit sa kisame.
Kinunan ng vlogger ang kuwarto at ang banyo na kamangha-manghang nakabaliktad din, maging ang toilet bowl.
At kung babaliktarin ang camera, ang bawat shot ay lilikha ng defying gravity na optical illusion.
Hindi pa tapos ang Minalungao Upside Down House kaya’t hindi pa ito bukas sa publiko.
Ang plano ng owner maglagay ng swimming pool at bahay na maaaring rentahan.
Read: PEP HANAP BAHAY: 3 tips to consider before buying a house or lot
UP SIDE DOWN, EVERYTHING
Nakatakda itong tumanggap ng bisita oras na matapos ang kabuuang konsepto nito.
May sariling Facebook page na ang Minalungao Upside Down House, pero hindi ito active, at ang huli nitong post ay noon pang June 8, 2024.
Bukod sa SEFTV YouTube channel ni Joseph Pasalo, na-feature na rin ang bahay noong June 7 sa Amazing Earth TV show hosted by Dingdong Dantes.
Binanggit dito na PHP10 million ang ginastos para itayo ito.
Samantala, ang mga taga-south ay may mapupuntahang Upside Down Museum sa Davao City.
Ayon sa Facebook page nito, ang mga entrance fees ay ang mga sumusunod:
- PHP 375 ang regular rate
- PHP 325 para sa mga Senior Citizens at PWD
- PHP 295 para sa mga batang 3.5 feet below ang height.
Patok itong pasyalan para sa mga mahilig sa pictorial at instagram-worthy shots.