"First of its kind" kung ilarawan ng may-aring si Jenina ang kanyang tiny house na matatagpuan sa Doña Remedios Trinidad, Bulacan.
Tinawag niya itong Sleepy Shepherd, isang British-inspired hut.
Itinayo ito sa gitna ng malagubat na burol kaya ito ay perfect spot para sa mga taong naghahanap ng “privacy surrounded by nature.”
Sabi ng British husband ni Jenina na si Adam sa panayam niya sa OG, YouTube channle under Summit Media, ang shepherd’s hut ay tawag sa tiny house na tirahan ng nagpapastol ng mga tupa sa England.
“It was about really the connection to England. I grew up surrounded by shepherd’s hut, living out in the country. So it always really had a place in my heart."
Read: Bodega turned into a tiny house in Antipolo for PHP350,000
BUILDING A SHEPHERD’S HUT IN BULACAN
Pinupuntahan daw nila ang lugar tuwing weekend para magpahinga.
“We love spending time here, and we needed somewhere to rest, to get out of sun, you know, shelter…” saad niya.
Kaya naisipan nilang magtayo ng tiny house with Adam coming up with the design.
“Ultimately, our goal was to create a really cozy space, something that we could really enjoy, something that is really simple, which really connected with the elements," paliwanag ni Adam.
“So the shepherd’s hut was really the perfect design and we’re really inspired by the traditional British [shelter].”
Mula sa pinto hanggang sa curved na hugis ng bubong, itinayo raw ito tulad ng traditional shepherd's shelter na may upgrade dahil meron itong electricity, internet connection, tubig, at back-up generator sa oras ng electricity failure.
Ginamitan ito ng steel frame, traditional cast iron wheels, at fiber cement board na fire proof at water resistant.
Maaari raw itong tumagal ng higit 50 years.
Pagmamay-ari nina Adam at Jenina ang 22-hectare working farm.
Itinayo nila ang tiny house property sa 1,000-square-meter portion ng farm, at ang mismong tiny house ay may sukat na 18 square meters.
Ang taas ng ceiling nito ay 10 feet. Fully insulated ang loob ng bahay at may 1.5-horsepower air-conditioning unit.
Spanish tiles ang floor nito at custom-made ng local carpenters ang mga pinto at bintana.
Meron itong plunge pool, outdoor dining area, fire pit, open plant space, at ang living area ay katabi lamang ang bedroom na may double bed.
Ang kitchen nito ay fully equipped at katabi ang pinto papasok sa bathroom na may hot shower, vanity, at toilet.
Ligtas ang lugar dahil kinabitan ito ng CCTV, may bakod, at malapit lamang sa station ng staff.
Ang kabuuang gastos para rito ay PHP3.5 million at inabot ng walong buwan ang construction.
Read: Turning heads: Upside down house in Nueva Ecija
Maaari raw itong mag-accommodate ng 2-4 na katao.
Ang rate nito ay PHP8,000/night mula Lunes hanggang Huwebes.
Tuwing Biyernes hanggang Linggo ay PHP10,000/night.
Maaari raw silang makontak via Facebook at Instagram account (Sleepy Shepherd).
ADVICE TO ASPIRING HOME OWNERS
Payo ni Adam sa mga nais magpatayo ng bahay, “Be patient, have a great team.
“Be knowledgeable about the area, know your target market, be very patient, flexibility in your budget.
“Things cost more and it takes longer than you expected, but in the end it’ll all be worth it,” sabi ng British national.