Usong-uso ngayon ang mga small spaces— gaya ng container vans, bodega, at mga sasakyan—na ginagawang bahay.
Pero one of a kind ang isang bahay sa Deary, Idaho, USA dahil ito ay dating abandonadong 100-year-old train car.
Ang gastos para ma-convert ang nabubulok na train car sa isang old-style unique house ay tumataginting na $150,000 o PHP8.8 million.
Ang bahay na ito ay pinaparentahan ngayon ng owners sa Airbnb.
“When people come and stay here, they tell us all the time [that] they feel like travelling a hundred years in time… that’s very fulfilling,” kuwento ni Isaac French, 27, sa interview ng CNBC Make It, December 6, 2024.
Pero paano nga ba naisipan ng pamilya ni Isaac na gawing bahay ang isang old train?
Read: Living inside the mall: shops converted to apartments
ACQUIRING THE TRAIN
Kuwento ni Isaac sa CNBC Make It, nagsimula ang lahat nang makatanggap sila ng tawag mula sa isang kaibigan ng ama.
Nagpapatulong daw ito dahil atabunan ng snow ang kanyang barn.
Pagdating ng ama ni Isaac sa barn ng kaibigan, ang una niyang napansin ay ang lumang train car sa isang bahagi.
Avid train fan daw ang ama ni Isaac kaya mabilis daw kumilos ang imahinasyon nito nang makita ang lumang train.
Subalit mukhang ang ama lamang ni Isaac ang optimistic. Karamihan daw sa bahagi ng tren ay nabubulok na at may lumot. Mabaho rin daw sa loob dahil ginawang tirahan ng 20 cats.
Naisip daw ni Isaac na isalba ang tren na may habang 61 feet.
Binili niya ito sa halagang $3,000 o PHP176,000.
Ang sumunod na hamon ay kung paano nila maililipat ang train car sa kanilang four-hectare farm.
Inabot daw ng dalawang taon bago sila nakahanap ng mover na pumayag ibiyahe ang tren.
Read: British-inspired tiny house in Bulacan is "first of its kind"
RENOVATION, TRANSFORMATION
Sa kabuuan, inabot daw ng six months ang restoration project.
Nagbigay rin ng cost breakdown si Isaac sa kabuuang $150,000 (PHP8.8 million) expenses.
Ang $3,000 (PHP176,000) ay para sa pagbili sa train car; $10,000 (PHP587,000) para sa paglipat ng mover; $27,000 (PHP1.6 million) para sa platform, canopy, at roof ng train car.
Umabot sa $20,000 (PHP1.2 million) ang pagpapagawa ng flooring; $12,000 (PHP704,000) para heating, ventilation, air conditioning o HVAC; $10,000 (PHP567,000) sa electricity, $26,000 (PHP1.5 million) interior at furnishings; at $10,000 (PHP587) sa landscaping.
Ang labor ay pinagtulungan daw nilang 10 magkakapatid—walong lalaki at dalawang babae—dahil lahat sila ay may construction skills.
Pero nag-hire sila ng mga tao para sa HVAC at electrical aspects.
Read: Bodega turned into a tiny house in Antipolo for PHP350,000
THE TRAIN-CAR-TURNED-HOUSE
Ang passenger area ng train car ay ginawa nilang sitting area at kadikit nito ang kusina.
Orihinal pa rin ang mga salamin ng mga bintana at ang mga cabins sa taas sa bandang ceiling.
Ang passenger room ay ginawang sitting area, at ang kalahating parte nito ay kusina.
Antique ang mga inilagay na furniture at mga gamit sa kusina dahil mahilig sa antigong kagamitan ang kanilang ina.
Agaw-pansin din ang gas pot na old style.
Ang dating cargo area ay ginawang extra space para sa mga gamit. Dito rin nakapuwesto ang walk-in bathroom.
Kadikit naman ng extra space ay ang bedroom na may king-size bed.
Maraming bintana sa bedroom, kaya pagkagising ay tanaw agad ang napakagandang countryside.
Sa labas naman ay merong mirror sauna, hot tub, at campfire.
Ang stay per night dito ay umaabot ng $325 (PHP19,000) - $350 (PHP20,000).
Ang revenue nila noong 2023 ay umabot sa $90,000 (PHP5.2 million) at inaasahan nilang aabot sa $105,000 (PHP6 million) ngayong 2024.
Sabi ni Isaac, espesyal ang kanilang train house dahil, “There is a sense of history and a story that’s already built in that.”
Sana raw ay marami pang mga abandoned buildings or train cars ang ma-discover at ma-renovate.
Pero sabi niya, “You have to have some love some inspiration to participate in a project like this and breathe new life into it.
“Theres something rewarding about taking an old structure and breathing life back into it.”