May payo ang GMA News reporter na si Susan Enriquez tungkol sa pagpapatayo ng bahay o anumang establishment.
Nabanggit niya ito sa kanyang testimonial para sa contractor na Hegdes Construction and Landscaping Services, na siyang nagtayo ng establishments sa farm resort niyang Balustre Cerca, na matatagpuan sa Mahabang Kahoy, Indang, Cavite.
Ayon sa Facebook page ng resort, na ini-launch noong 2021, meron itong apat na A-frame glass cottages at isang A-frame glass cabin na kayang mag-accommodate ng 36 guests.
Kumpleto rin ang amenities ng resort, tulad ng dalawang pools, outdoor kitchen, parking space, fully-airconditioned cabin and cottages, pavilion, at iba pa.
Sa kabuuan, kayang mag-accommodate ng resort ng 100 katao.
Hindi idinetalye sa testimonial na mapapanood sa YouTube kung alin sa mga establishments sa resort ang itinayo ng contractor.
SUSAN’S ADVICE
Lahad ni Susan, nakatiyempo siya ng contractor na madaling kausap.
Sa simula pa lang ng negosasyon, inilatag niya ang gustong disenyo at ibinigay ang kanyang terms of payment para mabantayan ang kalidad ng gawa at “para di maloko.”
Batay sa kanyang karanasan, malaking bagay ang komunikasyon.
Aniya ukol sa kanyang contractor, “Pag sinabi niyang gagawin niya, aaksiyunan niya ang sinabi mo na concern… Walang masyadong masalimuot na usapin.
“Minsan hindi nakukuha sa laki ng contractor, iyan, e, [kundi] sa tino. Matinong kausap…
“No matter how big the company is, kung medyo salbaheng kausap iyan, kawawa din yung kliyente.
“So it doesn’t matter kung malaki o maliit [ang contractor], ang importante maayos na kausap yung mga tao doon sa company.”
Read: PhilHealth increases members' benefits by up to 50% in 2025
Nagkaroon lang ng konting problema sa trabahador.
“Dahil starting pa lang ang company [noon] at kaunti ang tao, may konting delay sa pagpadala ng manpower.
“Other than that, the manner ng pakikipag-usap nila sa kliyente, sa mga customers nila, maayos sila.”
Pero ang pinakaimportante: maganda ang feedback ng guests sa resort.
“Masaya naman kami. Even the guests na pumupunta dito, nai-impress sila. They like the style, the design… kasi it’s so modern in the middle of an agricultural area.”
Read: Bali-inspired tiny house in La Union, worth PHP1 million
PROPER ALLOCATION OF YOUR MONEY
Inirerekomenda rin ni Susan na kung may hawak nang pera, gawin na ang project at baka magastos pa sa ibang bagay.
Paliwanag niya, “Importante makapagsimula ka, e. Kung ang magiging goal mo agad ay malaking bahay, paano kung ang pera mo matagal mong maipon?
“By the time you save a lot, you save money para sa target mo na house, iba na rin ang price no’n…Mas maliit pa rin yung ipapagawa mo.”
Tumataas kasi ang mga bilihin sa paglipas ng panahon at bumababa ang value ng pera.
Dagdag pa niya, “Kasi ang pera pag hawak mo at di mo nailaan sa dapat paglaanan, madali magastos, e.
“So better kung saan iyan allotted, doon gamitin mo na agad. Especially ngayon, may tiny houses naman, madaling-madali na ring maipagawa, so ilaan mo na doon.
“Kasi yung improvement o expansion madali na yung isunod iyon…”