Proud na ipinakita ni DJ Darwin Bandoy ang kanyang tropical mid-century cabin sa Talisay, Batangas.
Bungad ni DJ, nais niyang magsilbing inspirasyon sa ibang tao na hangad magkaroon ng magandang property, interview niya sa OG, March 28, 2025.
Dahil si DJ, isang associate professor of epidemiology sa UP College of Veterinary Medicine, ay living testament na walang imposible basta naniwala sa pangarap.
Ang tropical mid-century cabin na ipinakita ni DJ ay nagkakahalaga ng PHP3 million.
Impressive ang disenyo ng property na may breath-taking view ng Taal Volcano.
Hindi rin ito ang unang beses niyang maitampok sa OG.
Noong June 2024, naitampok din sa OG ang PHP4-million glass cabin sa parehong subdivision sa Talisay.
Sabi DJ, gusto niyang magkaroon din ang iba ng “sense of empowerment.”
“Malapit ang puso ko sa mga OFWs, kasi minsan naging part ng buhay ko na naging OFW,” sabi ni DJ.
Marami raw OFWs ang nagmi-message sa kanya matapos makita ang kanyang glass cabin at nais daw nilang gayahin si DJ.
“Yung mga aspirational notions na pag-uwi ko sa Pilipinas I want some place na may beautiful lugar na pupuntahan. May magandang lugar na naghihintay sa akin pag-uwi ko na bunga ng dugo, at pawis at luha…”
Ang location ng mid-century cabin ni DJ ay hindi ang orihinal niyang napiling lugar sa naturang subdivision, kunsaan naroon din ang kanyang glass cabin.
“Pero nung nakita ko, right there and then, sabi ko, ‘This is the lot for me.’”
Ang lokasyon kasing iyon ay overlooking ang Taal Volcano at ang mayabong at luntiang mga puno.
Read: Tips para makatipid sa kuryente gamit ang aircon, ref, electric fan
THE NEW CABIN
Dahil nakapagpatayo na ng glass cabin, sinabi ni DJ na mas naging madali ang pagpapatayo ng mid-century cabin.
Mayroon na raw kasi silang experience na paghuhugutan at alam na ang mga aspetong kailangang ma-improve.
Sabi niya ukol sa bagong cabin, “Ang main element ng mid-century, dahil sa new technology, people started using glass doon sa wall, so in-adopt ko yun.”
Bukod sa paglalagay ng tropical elements, nagkaroon din ng upcycling.
Ang mga lumang poste sa ancestral house ng kanyang lola ay ginawa niyang main pillars sa kanyang cabin.
Sa disenyo, dominant ang wood at glass components.
Read: OFW retires and comes home to dream resthouse in Tanay, Rizal
THE tropical CABIN
Ang 100-square meters na establishment ay itinayo sa 850sqm lote na nabili ni DJ sa subdivision.
Pagpasok sa loob ay diretso ito sa kitchen. Nasa second floor ito.
“Ang desisyon dito kapag may dala kayo na pinamili, mas accessible siya. Di na kayo dadaan sa main living room,” paliwanag ni DJ.
Katabi naman ng kitchen ay isang breakfast nook na may maliit na dining area.
Katabi nito ang living area na may mga upuang kayang mag-accommodate ng apat na katao.
Adjacent din dito ang master suite. Paggising, bubulaga ang view ng taal lake.
Mayroon itong malaking toilet and bath na may bath tub, kunsaan may overlooking din ng magandang tanawin.
Mayroon ding balcony para sa al fresco experience with a lovely view.
Sa first floor ay may spacious barkada room na kayang mag-accommodate ng walong tao. May sarili ding toilet and bath ang kuwarto.
Sa labas ay naroon ang dining table na kayang mag-accommodate ng mas maraming tao.
Mayroon ding 21-sqm swimming pool at tanaw ang magandang view.
Sabi ni DJ, nag-effort sila na gawin itong “best cabin in the word” hindi dahil sa laki kundi dahil sa magandang view.
“We were able to put the architecture that captures that beauty, maganda siya because of the dynamics with the environment.”
ADVICE to aspiring owners
Sa mga nagnanais na magpa-construct ng property, payo ni DJ: “When you are doing construction, hindi naman necessarily na maa-achieve niyo lahat ng gusto niyo.
“You need to know where you could compromise, so yung creativity, yung design, constraints of the budget is also important, because that’s forcing you to be creative with solutions.”
Dagdag niya, “Achieving your dreams also requires compromises and sacrifices, but you need to work on it, you need to make the first step.”
Naniniwala rin daw siya sa kasabihang, “No man is an island.”
Hindi raw naging posible na maipatayo ang kanyang property kung hindi siya humingi ng tulong sa asawa, mga kaibigan, at kapamilya.
Pagtatapos ni DJ, “I want to tell the story na yung iniisip mong imposible ay puwedeng mangyari, because other people might be in that situation, and if you are that person, ituloy mo lang.
“Kung naghahanap ka ng sign, ito yung sign. Do it. Sa isip ko nga parang imposible, pero it’s here…”