Ang microwave oven ay gamit na gamit bilang kitchen appliance dahil sa kakayanan nitong initin ang pagkain nang sobrang bilis.
Naa-absorb ng liquid, fats, at sugars na taglay ng pagkain ang electromagnetic radiation na tinatawag na microwaves, na silang nagiging sanhi para mag-generate ng heat at mag-vibrate ang ipinapainit na ulam.
Mas energy-efficient din ang microwave oven dahil mas mabilis ang cooking at mas direkta ang init sa pagkain.
Read: Tips para tanggalin ang amoy kulob sa sasakyan
MICROWAVE OVEN NEEDS REGULAR CLEANING
Pero, madalas man itong gamitin, aminin, hindi ito madalas na nililinis.
Minsan pa nga, naririnig itong nag-explode, at nagtalamsikan ang sabaw at mantika.
Kaya, from time to time, kailangang linisin ito para mawala ang amoy at mapanatiling maayos ang function nito.
Paano palambutin ang dumikit at nanigas ng ulam?
First, maglagay sa isang microwave-safe bowl na may lamang cleaning solution—tubig at alinman sa vinegar, lemon juice, o baking soda.
I-microwave ang cleaning solution sa loob ng ilang minuto para magkaroon ng steam.
Sa pamamagitan nito, maglu-loosen ang anumang food residue na na-stuck sa loob ng microwave oven.
Kapag tapos na, hayaang lumamig nang bahagya ang loob nito at saka punasan gamit ang damp cloth or sponge.
Read: Tips para ma-detect at ma-treat ang bukbok sa bahay
Kung alinman sa mga ito ang napiling cleaning solution, iinit ito sa microwave oven sa loob ng dalawa hanggang limang minuto sa high-power setting.
Kinakailangang kumulo ito at nakalikha ng steam.
Huwag munang buksan ang microwave oven sa loob ng lima hanggang sampung minuto para ma-penetrate ng steam ang mga mantsa ng pagkain sa loob.
Pagkatapos, maingat na alisin ang bowl na kinalalagyan ng cleaning solution.
Linisin ang loob ng microwave oven gamit ang basang basahan o sponge.
Kung matigas ang mantsa at hindi kayang tanggalin ng basahan o sponge, gumamit ng non-scratch pad.
Read: Tips kung paano linisin ang molds sa tiles
HOW TO PREPARE THE CLEANING SOLUTION
Para sa mas detalyadong paglilinis ng microwave oven, may tatlong paraan ng paghahanda ng cleaning solution.
Kung vinegar ang gagamitin, paghaluin ang equal parts ng water and white vinegar sa microwave-safe bowl.
Kapag baking soda, maglagay ng isang kutsara sa 230-ml water.
Kapag lemon juice, pigain ang isang piraso nito sa microwave-safe bowl na may tubig. Huwag masyadong punuin.
OTHER THINGS TO CONSIDER IN CLEANING MICROWAVE OVEN
Kapag malinis na ang interior ng microwave oven, linisin ang turntable at iba pang removable parts.
Hugasan gamit ang tubig at sabon saka banlawang mabuti.
Para hindi mangamoy-ulam, mag-iwan lang ng bowl na may dry baking soda, na siyang mag-a-absorb sa anumang amoy.
Kung lilinisin naman ang exterior, punasan ito ng sponge na may mild detergent saka damp cloth.
Sa paglilinis ng exterior, iwasang gumamit ng harsh chemicals o abrasive cleaners gaya ng alcohol at mga panlinis ng sasakyan.