Standout at Instagram-worthy ang isang bahay sa Angono, Rizal.
Ito ang ipinagmamalaking “Hive Out” o hexagonal rest house ni Ricky Sison, retired telecommunications executive.
Bukod sa may 360-degree view ito ng Laguna Lake at Sierra Madre.
Agaw-pansin din ang disenyo at hugis nito na mistulang beehive.
“I’m really proud of how it came out. It was a very good collaboration between us and the professionals that we hired,” kuwento niya sa OG.
Pero paano nga ba nagsimula ang proyektong ito?
BEFORE THE HOUSE WA BUILT
Panahon ng pandemic, napadako sa isang coffee shop sa Angono ang pamilya ni Ricky.
Na-in love raw agad ang kanyang misis sa lugar dahil tahimik at payapa.
“We ended up buying a lot,” ani Ricky.
“It was love at first site—very serene, very tranquil, ‘tapos over-looking ang Laguna Lake, and then you have a city view. So that’s what clinched it.”
Pinursige raw ni Ricky ang new house project dahil pakiramdam nila ay masyado na silang nakakulong sa kanilang condo unit noong pandemic.
“So we had to look for a property, so we could have a rest house,” aniya.
Gusto niya ang napiling location dahil malapit sa siyudad, pero malapit din sa nature.
Read: Pilot builds house inspired by unforgettable vacation in Bali
how the hexagonal house came to be
Nakipag-ugnayan siya sa kanyang batchmate na architect.
Kuwento ni Ricky: “Nung nag-meeting kami, he showed me this drawing of his, which is parang like a beehive, which is hexagonal shape.
“And, oh my gosh, we just loved the idea. My wife said, ‘Oh, yes!’ So tuloy na namin. We agreed to have his design followed.”
THE HIVE OUT
At dahil nga mukhang beehive, tinawag itong Hive Out.
Paliwanag ng isa sa architects na si Ivy Herrera, ang design ay “modern, unique, and functional.”
Request daw ng owner na si Ricky na “Instagrammable” at visually appealing ang structure.
Sabi ni Ricky, “We wanted to veer away from the traditional. Pag tiningnan mo parang it will catch your attention.”
At unconventional man ang disenyo, ang areas nito ay “designed very well para magamit ang spaces.”
Read: Ex-seminarian-aircon cleaner-realtor now owns 16 houses in Canada
THE areas of the HOUSE
Ang buong lote ay may sukat na 619 square meters, habang ang floor area ay 485square meters.
Sa pagpasok sa vicinity ay bubungad agad ang 45-sqaure-meter swimming pool na may lalim na hanggang 5 feet. Mayroon ding jacuzzi area sa isang bahagi ng pool.
Katabi naman nito ang malaking dining area at fully-functional kitchen.
Mayroon ding al-fresco dining at bonfire areas.
Sa yard, may dalawang cement platforms na puwedeng tayuan ng mga tent kapag may big group na nais magbakasyon.
May common toilet and bath sa ibaba kaya hindi na kailangang magpunta sa mga kuwarto.
Sa ground floor ang master bedroom na PWD-friendly. Meron din itong sariling toilet and bath.
In total, may apat na bedroom ang rest house para sa apat na anak ni Ricky.
Magkakapareho naman ang designs nito, subalit sa dalawang lower rooms ay may bathtub sa balcony.
Bawat room din ay may sariling toilet and bath, kitchenette, at aircon.
Kasya ang apat na katao dahil may queen-sized bed at pull-out beds.
May malakas na wifi.
Ang bawat bedroom unit ay may glass walls at mga bintana para fully ventilated.
MORE THAN JUST A BEAUTIFUL HOUSE
Paglalarawan pa ni Ricky sa rest house, ito ay “peaceful, serene, tranquil getaway.”
Magiging fully recharged daw ang sinumang magbabakasyon doon sa weekend.
RICKY’S ADVICE TO HOMEOWNERS
Bagama’t nakikita ng iba na magastos ang pag-hire ng professionals sa paggawa ng bahay, mahalaga raw ito.
“You need professional help. At first, you think gastos, pero in the end, I think you will be able to find out na it’s worth the expenses.
“Treat it as an investment,” sabi niya.
“Once you are able to see the finished product, it’s well worth it.”
Isa pang importanteng payo niya: “Just try to get land first.
“Buy land first kasi puwede naman na saka na lang yung bahay.
“It’s really important [to have] a house over your head.”