Isang vacation house na ang view ay ang kagandahan ng Mt. Arayat at walang binabayarang kuryente at tubig.
Ito ang makulay na kuwento ng Epic Villa sa Arayat, Pampanga.
Isang solar-powered house sa bukid at may 180-degree view ng kilalang bundok sa Central Luzon.
Pero apat na taon ang inabot bago maitayo ang villa na sinimulan ng owner na ng businessman na si Thomas Clements.
Si Thomas, 30, ay may import and export business sa Pilipinas.
At ang kanyang business ang naging tulay para ma-import ang lahat ng ginamit sa kanyang bahay na imported sa Asian countries.
Sinabi ni Thomas na very personal ang bahay para sa kanya dahil naranasan daw niyang mag-struggle noon financially habang ipinapatayo ito.
Nagresulta ito sa pagre-revise ng mga plano at tumagal ang construction.
“Pero kahit ganoon yung nangyari, we eventually came up with it. We just kept on going. Unti-unti, e, Inunti-unti namin siya,” sabi ni Thomas sa interview ng OG.
Sinimulan noong kasagsagan ng pandemya, ilang taon ang pagpapagawa nito dahil nakadepende ang pagpapatuloy ng construction nito kapag may available budget si Thomas.
Nakuha raw niya ang 1,000 square meters na lot property noong 2020.
Madali raw siyang nakapagdesisyong piliin ang location dahil accessible ito mula sa siyudad.
Dahil panahon ng pandemya noon, ang immediate plan ay magtayo ng rest house sa probinsya dahil sa dumadaming kaso ng COVID sa urban area.
Sabi ni Thomas, “The plan was to live off-grid kasi that time medyo madaming cases sa city kasi don kami naka-stay and then we decided, ‘Bakit hindi tayo tumira sa bundok?’”
Ang unang plano raw ay bahay-kubo at magtatanim ng gulay para sa “self-sustaining, mainly solar-powered” na matutuluyan.
Pero nagbago ang isip nila at nagdesisyong patayuan na ito ng bahay dahil maganda ang view. Naisip nilang simulan ang construction ng bahay na magko-compliment sa view bilang vacation home para sa kanilang pamilya.
Ibinahagi rin ni Thomas ang aniya ay “fun fact” sa kanyang villa.
“Everything here is shipped from different countries in Asia. Everything you see, they’re imported and pinagkasya ko sila sa 40-feet na container.”
Read: Prefab home: pros, cons, and what you need to know
THE HOUSE
Inilarawan niya ang bahay bilang “mix of everything.”
Paliwanag ni Thomas, “You will see some influence of Bali [Indonesia], Japandi and also a little bit of industrial.”
Ang pagkakaroon ng iba-ibang konsepto ay resulta raw ng pagkakaroon ng magkakaibang gusto sa pamilya.
“So we just came up [with], ‘Why not pagsamahin lahat ng ano?!’ And it turned out to be perfect.”
May sukat na 320 square meters ang floor area ng Epic Villa.
Pagpasok ay makikita agad ang porte cochere, o malawak na covered entrance na kasya ang mga sasakyan.
Kita rin ang luntiang mga halaman, garaheng kasya ang dalawang sasakyan at katabi ang open area na pwedeng gawing parking area.
Pagpasok sa malaking pivot door ay makikita ang sala na ma may nabubuksang accordion doors at may 180-degree view ng Mt. Arayat.
Mayroong high ceiling sa loob at ang artistic chandelier na gawa sa shipping pallets.
Para sa entertainment feature ng living area, mayroon itong throw projector na konektado sa 150-inch ambient light rejecting screen.
May Dolby 5.1.2. surround-sound na may upfiring speakers para sa cinema house experience.
Sa center table ay ang micro-cement custom-made tables.
Pagpasok sa master bedroom, bubungad ang floating bed at may katabi pang custom-made Japandi-style folding bed para mas marami ang ma-accommodate.
Paghawi sa kurtina ay tanaw ang Bundok Arayat at ang swimming pool sa ibaba.
Mayroon din itong walk-in closet at “en suite toilet and bath” o private bathroom ang kuwarto. Gawa ito sa pure cement at katabi nito ang black-stone bath tub.
For privacy ay may pawid ito bilang roof na babagay sa native style at landscape.
Bukod sa master bedroom, mayroon pang dalawang kuwarto ang bahay.
Sa isang kuwarto ay may double-deck queen-sized bed at may isang pullout bed.
Mayroon itong sariling dresser at toilet and bath.
Ang isa pang room ay Japanese-inspired capsule room na may apat na queen-sized bed kaya magkakasya ang walo hanggang 12 katao.
Mayroon ding isa pang common toilet and bath para hindi kailangang mag-agawan pagdating sa paggamit ng restroom.
Sa taas ay may tinatawag na mancave gaming room si Thomas na kanyang personal space.
Matatagpuan sa small room ang tatami bed o floor mattress, bean bag, guitar, PS5, at hammock.
Read: Netizens grow sentimental as Chocolate Lover Inc. nears closure
Sa dining area ay agaw pansin ang live-edge fashia wood na 60 years old na.
May 10-seater capacity ang dining table at may coffee area.
Mayroon ding view ang kitchen sa garden.
Sa kitchen may built in cabinets, built in stoves, built in microwave, oven.
Sa living room, puwedeng i-fold ang byfolding doors para magmistulang iisa ang indoors at outdoors kunsaan naroon ang swimming pool.
Sa tabi ng pool ay may sunken lounge na kasya ang 16 katao para sa barkada, mga kaibigan, at pamilya.
Ang pool ay may lalim hanggang 5.5 feet. At mayroong barbecue area.
Kapansin-pansin din ang floating steps papunta sa outdoor shower at may viewing deck at sitting area sa baba.
Ang makikitang stairs naman ay paakyat sa viewing deck para matanaw ang bukid at bundok.
Kita rin ang solar panels na ginagamit para manatiling presko ang bahay 24/7.
Sinabi ni Thomas na na-achieve ang 100-percent solar panels, “So that means we have zero bills both water and electric.
“Kasi yung water is pumped from the ground kasi maganda yung water quality dito sa Arayat, kasi since malapit tayo sa Mt. Arayat, and then the electricity is full solar.”
Ang pader sa loob ng bahay ay may stucco finish at ang tiles naman ay gawa sa porcelain.
“Every space is personalized by me,” sabi ni Thomas.
THE CHALLENGES
Ikinuwento ni Thomas ang mga hamon na hinarap niya bago maipatayo ang Epic Villa.
“Sobrang tight ng budget and then ni-request ko sa friend ko [na architect]. Sabi ko, ‘Baka puwedeng structural lang muna and then pag may budget na saka na tapusin.’ So, it took four years to build this property.”
Naging challenge rin daw ang pag-i-import ng mga materyales na ginamit.
Dahil magkakaiba ang suppliers, kinailangan ni Thomas na gawing maayos pakikipag-coordinate para mai-ship ang mga gagamitin sa location.
Paliwanag ni Thomas, “Dito ko na-enhance ang shipping and logistics, kasi before, I was doing smaller scale… more on raw materials na importation.
“So when I built this, I took the risk kahit wala akong alam na supplier sa ibang bansa.”
Pero dito raw napatunayan ni Thomas na kahit hindi pa nakikita ang mga tao in person at online lahat ang transaction ay naka-order siya ng materials para maipatayo ang kanyang villa.
Nahirapan din si Thomas kung paano ipapasok ang mga materyales na nasa 18-wheeler truck dahil hindi pa noon gawa ang kalsada.
Para mailipat ang mga gamit, 20 katao ang nagtulung-tulong para buhatin ang mga gamit mula sa kinaroroonan ng truck papuntang location sa bukid.
Pero sa huli, masaya si Thomas sa kinalabasan.
Ang maipapayo naman niya sa sinumang nais magpatayo ng bahay, “You have to embrace imperfections… just do it. Jump. Pag may naisip ka, gawin mo na kasi di ito mabubuo kung I kept on thinking, without moving to come up with something like this."