Paano makakatipid sa kuryente?
Ito ang most relevant question nowadays dahil sa napipintong pagtaas ng energy consumption pati na rin ng electricity bill.
Papasimula na kasi ang summer na sinabayan pa ng nangyayaring gulo sa Midde East na nagdudulot ng global energy crisis.
Kaya naglabas ang power distributor na Manila Electric Company (Meralco) ng energy-saving tips sa pamamagitan ng information drive nito sa social media.
Read: Tessera Jewelry’s 15-year journey: From hobby to hustle
ENERGY-SAVING TIPS FOR APPLIANCES
Alam mo bang sa tamang paggamit ng mga appliances, maaaring umabot sa PHP2,000 kada buwan ang puwedeng mabawas sa electric bill?
May epekto kasi sa energy consumption ang maintenance, unplugging, at energy-saving features ng appliances.
Ayon ito sa mga halimbawang binigay ng Power Lab, ang two-level multi-purpose facility ng Meralco na nag-i-educate ng consumers ukol sa energy efficiency at nagsasagawa ng equipment testing para ma-monitor ang electricity consumption.
Narito ang energy-saving tips na binanggit ni Engineer Cholo Pabilona, Meralco Power Lab lead, sa recent videos na inilabas ng kumpanya.
cleaning Electric fan, USING DC fan
Linisin ang electric fan twice a month. Sa pamamagitan nito, mas lumalakas ang buga ng hangin at mas nagiging energy efficient.
Ang mga gumagamit ng Direct Current (DC) fan ay posibleng makatipid ng PHP190 kada buwan.
“Si DC fan po, ang ginagamit po niya, meron na po siyang permanent magnet sa loob, so mas less power na ang kailangan niya para mapaikot ang rotor natin,” paliwanag ni Pabilona sa News5 interview.
SETTING THE Aircon temperature
Kapag nilagay ang thermostat ng window-type aircon sa "highest most comfortable level," puwede raw umabot sa PHP1,600 kada buwan ang matitipid.
Ayon sa "tips for the bedroom" na nasa website ng Meralco, ang temperature setting ay dapat nasa "24 or 25 degrees Celsius" para masa madaling lumamig ang paligid.
Dagdag na paliwang ng consumer-voice.org website: "the temperature difference between the room and the outdoors is minimized, allowing the compressor to run less frequently."
CLEANING THE Aircon filter
Makakatulong din ang paglilinis ng aircon filter nang dalawang beses kada buwan, at puwedeng mabawasan ng PHP95 ang bill.
Ang epekto nito, sabi ni Pabilona: “Pagbukas, maganda yung takbo ng hangin sa aircon, mas mapapabilis na palamigin ang kuwarto.
“At pag po ganoon ang set-up, mas hindi po hirap ang motor blades natin, yung motor na blades natin sa aircon, kaya po mas matipid siya sa kuryente.”
Unplugging appliances before sleeping
Kabilang din sa saving tips ng Meralco ang pag-unplug ng ilang appliances pagsapit ng gabi bago matulog.
Halimbawa, kapag tinanggal sa saksakan ang TV box, maaaring maka-menos ng PHP28.60 sa bill.
Ang pagbunot ng water dispenser bago matulog ay maaaring makabawas ng PHP151.02 kada buwan.
Frequent opening of refrigerator door
Ipinaliwanag din ni Pabilona kung bakit nagpapataas ng konsumo ang madalas na pagbubukas ng refrigerator.
“Kada bukas kasi natin ng refrigerator, nagdadagdag po tayo ng around five percent sa total na consumption kada buwan.
"Kasi po yung mainit na hangin sa kuwarto papasok sa loob [ng ref] at kailangan palamigin ulit ng refrigerator.”
Read: Saving through alkansiya: What are the pros and cons?
ADDITIONAL TIPS
Meron ding practical tips ang Meralco na puwedeng gawin sa bahay ngayong summer.
Ipinapayo ang paggamit na manipis na kurtina upang makapasok ang natural light at hindi makulob ang init.
Buksan ang bintana at kuwarto para dumaloy ang hangin sa loob.
Ipuwesto ang electric fan malapit sa bukas na bintana upang makahigop ng hangin.
In summary, kung ia-add ang amount ng mga puwedeng matipid dahil sa tips ng Meralco, pumapatak sa PHP2,064.62 ang posibleng mababawas sa buwanang electricity bill. Iyon ay kung lahat ng nabanggit na appliances ay mayroon ka at sinunod ang tipid tips ng Meralco.
Pero paalala lamang, ang nasabing amount ay estimation lamang.
Ang liit o laki ng halagang matitipid ay nakadepende pa rin sa dami, klase, at modelo ng electric appliances at kung gaano sila katagal ginagamit.
Ultimately, gaano man kalaki o kaliit ang matitipid, may mga paraan para kahit papaano ay mapababa ang electricity bill.