Sa edad na 25, itinuturing na achievement ni Jose Franco “JF” Galvez ang kanyang tiny house.
Ito raw ang bunga ng kanyang pagsusumikap sa trabaho bilang software engineer.
Sarili niyang pera ang ginamit sa lahat ginastos na umabot sa PHP1 milyon.
Aniya sa interview ng OG Channel: “Kasi ito yung first time na parang sarili ko talagang matatawag.
“Kahit pagod ka sa trabaho o stressed na stressed ka sa trabaho, once na makita mo yung tiny house na ito o yung villa na ito, parang lahat ng pagod ko and stress is nawawala.
“Parang may bunga na pala ang paghihirap ko.”
Ipinatayo ni JF ang kanyang tiny house na may floor size na 27 square meters (sqm) sa 54-sqm lot na pagmamay-ari ng kanyang amang si Franco Galvez.
Tinawag niya itong Solana Villa, na kauna-unahang tiny house sa Pangil, Laguna, ayon kay JF.
Marami raw resorts sa lugar, subalit wala pang tiny house.
Read: From "Name Withheld" to Top 1: Erwin Parchaso’s 10-year journey
HOW THE TINY HOUSE CAME TO BE
Kuwento naman ng kanyang amang si Franco, na-acquire niya ang property tatlong dekada na ang nakalilipas.
Taniman daw ito ng palay, subalit ginawa niya itong taniman ng mangga at tirahan ng mga manok na panabong.
Kalaunan, pinalagyan ito ng dalawang apartment ni Franco.
Naisip naman ni JF na gawin itong family staycation area o family rest house.
Naniniwala kasi siyang investment ito na walang lugi.
Kung hindi man pumatok ang staycation o walang mag-book, mayroon pa rin siyang matatawag na sariling bahay o bahay-bakasyunan ng pamilya.
Kapag wala raw guests, sa tiny house daw sila naglalagi tuwing weekends.
Sa sukat na 27 sqm, kasama rito ang 18-sqm floor area ng tiny house at ang 9 sqm na loft area sa taas nito.
Na-maximize naman ang natitirang space sa property dahil mayroong plunge pool at al-fresco kitchen.
Read: PRC explains “Name Withheld” in 2026 Physician Licensure Exam
THE TINY HOUSE
Pagpasok sa area, ang unang mapapansin ay ang plunge pool na may sukat na 2 x 1.5 meters
Fully functional ang kitchen area na nasa labas, kaya hindi problema ang pangangamoy ng pagkain sa loob ng tiny house.
Sa tabi ng kitchen ay mayroong pinto papuntang toilet and bath para convenient kung naligo sa pool.
Ang four-seater dining table ay mula sa scrap material.
Sa loob ng tiny house ay may living room kunsaan nakalagay ang sofa at 55-inch TV.
Gawa naman sa salamin ang pinto at windows para maliwanag kahit na walang ilaw.
Dahil sa high ceiling, presko at maaliwalas sa loob.
Aakyat ng hagdan para makapunta sa loft bedroom na may dalawang bintana sa magkabilang gilid at may view ng bukid at mga puno.
Karamihan sa mga materyal na ginamit sa tiny house ay concrete, bakal, smart board, at Hardiflex para maiwasan ang anay.
LEssons IN BUILDING A TINY HOUSE
Kuwento ni JF, ang pinakamalaking hamon sa kanya nung pinapatayo ang tiny house ay ang tamang paghawak ng pera.
“Kailangan kong mas i-manage yung finances ko at umiwas munang bumili sa mga bagay na di ko kailangan para tuloy-tuloy yung pagpapatayo namin at hindi ma-delay dahil kulang ng budget,” sabi ni JF.
Dahil siya ang nag-finance, mas naging masipag at madasalin daw siya.
Ang construction naman ay ipinaubaya niya sa kanyang ama.
Aminado si JF na may mga pagkakataong nagtatalo sila pagdating sa disenyo.
Ang advice naman ni Franco, kung magpapatayo ng bahay, tiyakin sa sariling desidido ka at gustung-gusto mo ito.
“Kasi maraming nagsimula na hindi natatapos ang bahay pag nagkaproblema along the way,” paliwanag niya.
“Hangga’t maaari, kumuha kayo ng architect na tututok.”
Sabi pa niya, maaaring makakuha ng idea sa mga designs online at programs, pero kailangang kumuha ng professional para matiyak na tama ang kalalabasan nito.