Madalas ka bang maistorbo ng ingay mula sa kapitbahay?
Kung oo ang iyong sagot, hindi ka nag-iisa.
Mula sa mabibigat na hakbang ng mga paa, malakas na usapan o patugtog ng sound system, pagbirit sa videoke—nakakasira ng araw o gabi, di ba?
Marahil, halos lahat na ng paraan at pakiusap ay sinubukan mo na, pero wala pa ring nangyari.
Paano kung ang solusyon pala sa problemang ito ay napakasimple: isang metal screw?
Iisipin mong kakatwa, pero ang invention na ito mula sa Sweden ay nasa finishing touches na para epektibong makontra ang ingay mula sa paligid ng iyong tinitirahan.
Read: Mini-refrigerator invented by 3 teens uses salt, not electricity
SOUND SCREW DISSOLVES SOUND PASSING THROUGH WALLS
Ang metal screw, na tatawaging Sound Screw, ay na-develop ni Hakan Wernersson, isang researcher sa Department of Materials Science and Applied Mathematics ng University of Malmo sa Sweden.
May kakayahan itong basagin ang ingay o sound waves, ayon sa ulat ng news website na WECB Radio last April 6, 2025.
Paano? Ang structure kasi nito ay nahahati sa gitna at may spring sa loob.
Kapag ginamit sa mga tablang pandinding, ina-absorb ng spring ang sound waves na dadaan sa mga materyales na ginamit sa dingding.
Dahil dito, nadi-dissolve ang ingay at hindi na nakararating sa tainga.
Read: Siddarth Nandyala creates app that detects heart-related issues
POTENTIAL BENEFITS OF SOUND SCREW
Binigyang-diin ni Hakan na sa Sweden—o maging sa iba pang bansa—ay may legal requirements pagdating sa sound insulation sa apartment buildings.
Aniya, ang Sound Screw ay maaaring makatulong upang matugunan ang requirement na ito.
Mas mapapakinabangan naman ito sa single-family homes kung saan problema ang pagre-reduce ng ingay, pero hindi kailangang baguhin ang buong layout.
Ang isa pang magandang insentibo: makakatulong itong maka-save ng space.
Ang traditional insulation at soundproofing techniques ay kalimitang nangangailangan ng extra layers o kaya ay materyales—na kumakain ng espasyo lalo na kung maliit ang kuwarto.
Sa pamamagitan ng Sound Screw, direktang maikakabit ang anumang materyales na pandingding at makakatipid sa espasyo maging sa sahig at kisame nang hindi na kailangan ang insulation.
Ani Hakan: “One square meter of floor space can be worth thousands of euros.
“And with our screw, you’re making the most of that space.”
Read: Tiny hotels built to save solitary bees!
LAB TESTS SHOW SOUND SCREW REDUCES SOUND LEVEL BY HALF
Ang resulta ng invention ni Hakan ay promising base sa laboratory acoustic tests gamit ang standard dry wall o plywood.
Sinubukan din ang Sound Screw sa real-world setting.
Sa isang hair salon, pinalitan ang traditional screws nang hindi inaalis ang existing ceiling plaster.
Positibo ang resulta: Nabawasan ang ingay mula sa labas.
Mas epektibo ito sa wooden joists, kung saan mas mataas ang acoustic challenges kumpara sa concrete buildings.
Read: UP researchers develop herbal tablet for diabetes
MORE TESTs STILL NEEDED FOR SOUND SCREW
Bagaman at nagpapakita ng magandang resulta, kailangan pa rin itong masubukan nang matagal para tuluyang ma-evaluate kung talagang epektibo ito in the long run.
Ang simple invention na ito ay posibleng maging game-changer kapag nasa market na.
Malaki ang ipinapakitang interes dito ng mga kumpanya mula sa South America at Japan.
Read: Filipino engineering students win at WED Hackathon 2025 in Paris