Dahil sa enhanced community quarantine, hindi makalabas ng bahay si Jak Roberto.
At para maibsan ang pagka-bored, inabala ng Kapuso hunk ang sarili sa pag-achieve ang kanyang matagal nang goal—ang matutong magluto.
Nag-research daw siya sa internet at pinag-aralan ang recipe ng meal na madalas niyang kainin pagkatapos niyang mag-workout.
In-upload ni Jak sa kanyang YouTube vlog kung paano niya inihanda ang napag-aralang Green Salad with Oven-baked Chicken Breast.
Sa panayam ni Nelson Canlas ng 24 Oras, ikinuwento rin ni Jak na bukod sa pag-aaral magluto ay gumawa rin siya ng iba pang bagay na productive sa kanilang bahay.
"Nakapaglinis ako ng kuwarto, ano pa ba? Nakapaglinis ako ng mga sapatos," sabi ni Jak.
"Maghahanap ka talaga ng gagawin, e.
"Yung workout, hindi mo mai-skip, it's either tatakbo ka ng 30 minutes..." patuloy pa ni Jak.
Huling GMA-7 series na kinabilangan ni Jak ay ang Wagas, habang regular naman siyang lumalabas sa All Out Sundays.