Pinagkatuwaan ng netizens ang Instagram post ni Heart Evangelista noong Miyerkules, February 16, 2022.
Larawan ito ng tatlong hanger mula sa mamahaling brand na Chanel.
Simpleng caption ng Kapuso actress-host: "Oh, Coco."
View this post on Instagram
Sa comments section, nagdapuan ang maraming “Marites” na naghayag ng saloobin sa kanilang kalagayan sa lipunan nang makita ang post ni Heart.
Marami sa kanila ay ayos lang daw mapalo ng Chanel hanger.
Sabi ng isang netizen, “Kung ganyan man lang ipapalo saken ni mama why not HAHAHAHA joke lang po."
“Kung di ganito hanger namin walang karapatan si mama na paluin ako,” ang tila nagmamarakulyong komento ng isa pa.
Biro ng isa pang netizen, “Pag itong hanger nato ang pinaLo sayo ng mama mo. (Dun mo maLaLaman gaano ka nya ka MAHAL)"
"Kung ganito lang pamalo ng Nanay ko sakin dati, wala ako karapatang umaray," isa pang pabirong komento ng isang follower ni Heart.
Pabirong banggit ng isa pang netizen, “After mapalo ni Mama ng chanel hanger sa pwet, ‘Hanger, ok ka lang ba, di ka ba nagasgasan?’"
Ayon naman sa ilan, baka imbes na ipalo ng nanay sa kanila ay patawarin na lang sila dahil mahal ang Chanel hanger.
Suhestiyon ng isang netizen, “Pag ito ipamamalo sayo ng nanay mo baka manghinayang at patawarin ka na lang.”
Na sinang-ayunan naman ng isa pa: “For sure nanay ko ang iiyak pag eto pinamalo nya hahahaha.”
Magpapasalamat naman daw ang dalawa pang nagkomento kung mahahampas sila ng Chanel hanger.
Anila: “Kapag ako nahampas ng hanger na ito magpapasalamat pa ako.”
“Willing ako magpapalo basta gantong hanger.”
Nakakatawang sabi ng isang nagkomento, “Hampasin moko nyan.... Ako pa mag so sorry!”
Titirahin naman daw ng magnanakaw ang Chanel hanger sa sampayan at iiwan ang damit, sabi ng isa pa.
Saad niya, “Pg yan hinanger sa labas ung damit maiiwan ung hanger ung mawawala.”
“HAMPASLUPA”
May mga tila nalungkot naman dahil pinamukha raw sa kanila ni Heart ang kanilang pagiging hampaslupa.
Saad ng isang netizen, “Pinamukha nanaman po saakin ni Madam Heart kung gaano ako kahampas lupa [weary face emojis]
AND IT’S TOTALLY FINE [weary face, heart emojis]”
“Sinampal n naman ako ng kahirapan, pati ba naman hanger branded. Akin nga tig 20 lng sa palengke pamalo pa sa pwet,” ang sabi naman ng isa pang nagkomento.
Patotoo naman ng isa pang follower, “Grabe isa talaga akong ganap na hampaslupa”
Marami pang nakakatuwang komento ang post na ito ni Heart.
Makikita sa ebay na nasa US$49 o halos P2,500 ang presyo ng bawat isang hanger ng Chanel.