Iba-iba ang kuwento at diskarte ng mga tumataya sa lotto at nananalo ng jackpot prizes.
Isang halimbawa rito ang bettor na 63 anyos na lola mula sa Agusan Del Norte.
Napanalunan niya ang SuperLotto 6/49 jackpot prize na nagkakahalaga ng PHP27,978,266.40 para sa April 13, 2023 draw.
Walang ibang nakahula sa kumbinasyon na 48-19-10-17-47-49 kaya nasolo ng lola ang premyo.
Read: VIRAL: Babaeng rider na tuwang-tuwa sa nakuhang 5-star rating mula sa pasahero
Nang i-claim na niya ang kanyang napanalunan sa Philippine Charity Sweepstakes office (PCSO) Main Office sa Mandaluyong City noong May 23, 2023, ibinahagi niya sa panayam ng ahensiya na nagsimula niyang mapanaginipan ang winning combination dalawang linggo bago ang mismong araw ng bola.
Mula noon, naging madalas na niyang mapanaginipan ang naturang kumbinasyon.
Inilista niya ito, at tinayaan sa SuperLotto 6/49.
Read: Nakakaantig: Parting gift ng Singaporean woman sa Pinay yaya na nag-retire after 34 years
Read: Natunton na! Turistang nag-ukit ng names sa Colosseum, nagmakaawa sa Italian authorities
Gayon na lang ang shock niya nang matapos ang ilang beses na pagtaya ay lumabas na ang napanaginipan niyang kumbinasyon.
Wala agad siyang nasabi kung ano ang kanyang gagawin sa perang napanalunan, pero hahayaan muna niya ito sa bangko.
Read: Chow Chow dog namatay dahil sa heat stroke sa isang pet hotel sa Antipolo
MGA PAALALA SA PAG-CLAIM NG PREMYO SA PCSO
Samantala, sa ilalim ng Republic Act No. 1169, ang mga lotto winners ay may palugit na isang taon mula sa petsa kung kailan binola ang kanilang napanalunan para makuha ang kanilang premyo.
Kung hindi makuha sa itinakdang palugit, magiging forfeited ang premyo at ilalagak ito sa PCSO Charity Fund.
Read: PUP at UP graduates, prayoridad i-hire ng mga kumpanya
Ipinaaalala rin ng PCSO na ang premyo na mahigit sa PHP10,000.00 ay kakaltasan ng 20 percent, alinsunod sa TRAIN Law.
Iniingatan din ng ahensiya ang personal na impormasyon ng mga nananalo ng jackpot prizes.
Read: Mag-asawang janitor, napa-graduate ang dalawang anak as cum laude, sa Ateneo