Sira-sira, punit-punit, at marumi, pero naibenta ang lumang maong na pantalon sa halagang PHP5.6 milyon.
Paano kasi, ang lumang denim pants ay vintage at 150 years old na. Pinaniniwalaang ginamit ang pantalon noong 1873.
Ang nakabili nito sa isang subasta o auction ay isang Thailand-based online bidder sa halagang $100,000 (PHP5,680,000), ulat ng Artnet News.
Pero may makulay na kuwento ang lumang maong na pantalon.
Read:
- Butas na sweater ni Princess Diana, naibenta ng PHP62 million sa auction
- Babae, di makapaniwala ka-look-alike ang nasa vintage painting
Natagpuan ang vintage item na ito 20 years ago sa Nevada, U.S.A., na hotspot para sa vintage denim hunters dahil lugar ito ng mga inabandonang minahan, kung saan maong ang karaniwang isinusuot ng mga minero noon.
Hindi pa na-o-authenticate ang lumang denims ng Levi’s, ang kilalang denim brand.
Ang naturang vintage jeans ay may 34-inch waistline at 31 inches ang haba.
Gula-gulanit na ang ibabang bahagi ng kaliwang paa at halatang hindi ito ni-repair.
Meron din itong isang bulsa sa likod, ang istilo ng mga maong pants na ginamit bago sumapit ang 1900.
Noong nakaraang taon, may lumang pantalon ding napulot mula sa 1857 North Carolina shipwreck, at naisubasta ito sa halagang $114,000 (PHP6.4 million).