Curious ba kayo kung ano ang buhay ng isang nanny ng mga rich and famous?
Ang unang iisipin ay marangya rin ang magiging buhay nila, pero bagamat totoo ito, hindi rin madali ang trabaho.
Ganito ang paglalarawan ni Sonya Kumar, 28, isang VIP nanny mula Wimbledon, London, na nag-aalaga ng mga anak ng mga bilyonaryo.
Si Sonya ay inilarawang trusted nanny ng A-list celebrities, mga negosyante, international footballers, sheiks, at diplomats, ayon sa December 25, 2023 interview ng SWNS, isang British news agency.
Bukod sa pag-aalaga at pagtu-tutor (governess) ng mga supling ng mga mayayamang amo, siya rin ang nagsa-shopping para sa mga gamit ng employer at pamilya nito.
Kasama rin siya sa travels abroad.
Laging first class kung magbiyahe si Sonya, kumakain ng Michelin-star dishes habang nasa yacht, tumutuloy sa five-star hotels, tulad ng The Ritz.
Sabi ni Sonya sa interview, ang annual gross salary ng isang VIP nanny ay mula 80,000 to 200,000 pounds (PHP5.6 million to PHP14 million), depende kung gaano kalawak ang experience.
Sa kanyang LinkedIn, inilarawan ni Sonya ang sarili bilang “CELTA (Certificate in English Language Teaching to Adults) qualified UHNW (Ultra High Net Worth).”
Bukod dito, isa rin siyang “VIP Nanny/Governess at Private Family + Holistic Sleep Trainer.”
Sa interview ng SWNS, ikinuwento ni Sonya ang takbo ng kanyang buhay.
Makikita sa video na punung-puno ang kanyang kama ng bags, sandals, shoes, shades, at belts mula sa Louis Vuitton, Ralph Lauren, Gucci, Dolce & Gabbana, Dior, at iba pang designer brands.
Read:
- Dalawang OFWs, staff ng prinsesa at prinsipe sa Saudi Arabia
- Jao Jundam, board topnotcher na naging toilet cleaner; nurse na ngayon sa Australia
- Meet Romer Gutierrez Jazo: former seaman, waiter, bartender now manpower agency owner in the U.S.
Some of Sonya Kumar's branded items.
Aniya, 12 years na siyang VIP nanny, governess, at tutor.
Bilang nanny, naghahatid at sundo siya ng mga alaga sakay ng Lamborghini.
“The favorite part for me is just being able to be a child with the children, and have a really good time…
“Going to really some fancy places for dinner and just the perks that come with it, for example, the gifts that you can get for Christmas or on your birthdays, the getaways...
“The travelling is amazing. You travel five-star, private jets, amazing resorts, private islands. It’s just amazing,” kuwento ni Sonya.
PROs AND CONS
Ipinagkakatiwala rin daw ng mga amo sa kanya ang malaking halaga ng pera.
Sabi niya, “Sometimes the client will just hand me their bank card to pay for everything, and sometimes I'll have a private car and chauffer.”
Nagsimula raw siyang maging nanny sa edad na 17 anyos para kumita ng pera para sa kanyang pinapatakbong restaurant.
Dahil nagustuhan niya ang pagna-nanny, pumasok siya sa isang nanny agency at inayos ang kanyang child-care qualifications.
Malaking advantage para kay Sonya na bukod sa pagiging nanny ay isa rin siyang governess, kaya mas mataas ang kanyang market value.
Sa paghahanap ng kliyente, natulungan siya ng references mula sa personal assistants at house managers ng kanyang mga dating employers.
Di nagtagal ay naging in-demand siya dahil alam niya kung paano i-market ang sarili.
Sa pagiging VIP nanny, kailangan din niyang pumirma ng non-disclosure agreement bago siya makapagtrabaho sa employer.
Pero ang malaking salary ay hindi para sa “faint-hearted” dahil ang kanyang trabaho ay may kaakibat na malaking pressure.
“Everything has to be perfect,” aniya. "The lifestyle and opportunities that come with the job are amazing, but you have to be on the top of your game all the time."