Ang pagkahumaling sa pag-aalaga ng mga pusa ang pangunahing dahilan kaya nagtayo ng negosyong cat café ang Vivamax star na si Apple Dy.
Snow The Cat Café ang pangalan ng coffee shop na pormal na binuksan ni Apple sa 95B Rainbow Street, Concepcion Dos, Marikina City, noong Setyembre 9, 2024.
Malaking hamon ito kay Apple, pero buo ang paniniwala niyang handang-handa na ang mga Pilipino sa nabanggit na konsepto.
Read: Wilma Doesnt's 5-Star carinderia, thriving and winning
“Ready na ready na ang mga Pilipino sa cat cafe and excited sila sa cat activities dahil marami ang cat lovers sa Pilipinas,” sabi ni Apple sa panayam sa kanya ng PEP.ph (Philippine Entertainment Portal).
“Based on our data and survey, aside from the students, teachers, young adults and senior citizens, marami sa mga kostumer namin ang nanggaling pa sa iba’t ibang bansa tulad ng USA, United Kingdom, Japan. Malaysia at Dubai.
“Bumibisita sila sa aming coffee shop dahil na-search nila sa Google. May mga dumarayo rin mula sa Cavite, Bulacan, at malalayong lugar sa Metro Manila kaya excited akong magbukas na ng second branch.
“Very challenging ang magbukas ng cat café sa Pilipinas. It’s hard to be a pioneer in this kind of business concept and it’s very hard to maintain and take care of the cats, para silang mga baby.
“And a newly-opened business is like a baby too from managing the store staff, finances and making a new menu.
“Parang ako ang gumagawa ng lahat because I love cooking and baking too. Gusto ko talaga, hands on ako sa lahat ng mga ginagawa ko kaya ako rin ang in-charge sa training ng store manager ko.
“This is my first time to make my own brand so it’s more challenging. I have to train my staff very well about the proper handling of cats and customer needs.
“Since the soft opening of my cat café last December 1, 2023, I learned a lot of things and focus on the daily improvements of my business.”
Read: Xian Lim converts old home into ultramodern fitness hub
Inilahad ni Apple na ang pagbisita niya sa mga cat café sa iba’t ibang bansa ang nagbigay sa kanya ng idea na magtayo ng sariling negosyong may kinalaman sa pusa.
“As a long-time fan of cat cafés, having visited many across Asia, the idea of opening one in the Philippines has been a dream of mine.
“I love cats, coffee, and cozy spaces where I can unwind, and Snow the Cat Café is the perfect expression of that passion.
"From the warm, inviting theme to the soothing piano music and the comforting ambiance, this café offers a unique experience where guests can enjoy feline companionship while savoring delicious beverages.”
CAT LOVER
Natatandaan ni Apple na apat na taon ang kanyang edad nang magkaroon siya ng hilig sa pag-aalaga ng mga pusa na pinupulot niya mula sa kalsada.
Lahad niya: “Sobrang hilig ko po sa mga pusa. Yung kittens sa street, pinupulot ko at iniuuwi sa bahay.
“Sabi ng mama ko, bakit ko raw dinadala sa bahay? Baka hanapin ng nanay ang kuting na sobrang liit dahail bagong panganak pa lang.
“Iniuwi ko sa bahay ang mga kuting dahil naaawa ako sa kanila. Ginagawan ko sila ng karton na bahay at kama, saka ko sila pinaiinom ng gatas. Pinapaliguan, pinapakain, at inaalagaan ko sila hanggang lumaki.
“May mga nakikita akong pusa na nasasagasaan at namamatay. It really breaks my heart.
"Kaya noong Grade 1 ako, sinasabi ko na gusto kong maging veterinarian kapag tinatanong ng mga teacher ko.
“Pero after high school graduation, nag-take ako ng exams para sa college course na pipiliin ko. Mataas ang score ko sa entrepreneurship, kaya mas pinili ko ang business-related course.
“Na-realize ko rin po na hindi ko makakaya na mag-opera ng mga hayop."
Sa kasalukuyan ay may walong alagang pusa si Apple, at pinakamahal ang pusa mula sa Ukraine na nagkakahalaga ng PHP280,000.
“Ang alaga ko po sa bahay ngayon ay walong pusa. May Persian cat, may British cat at yung imported exotic female cat imported from Ukraine na worth P280,000.
“Ang pagkain nila, gumagastos ako ng PHP5,000 to PHP10,000 per month dahil bukod sa mga cat food, kumakain din sila ng steamed shrimps and boiled chicken," sabi ni Apple.
Kabilang si Apple sa mga Vivamax star na sumali at nanalo sa Family Feud Philippines.
Ibinigay ng grupo ni Apple ang bahagi ng kanilang napanalunan sa beneficiary na pinili nila, ang Philippine Animal Welfare Society dahil sa pagmamahal sa mga pusa at ibang mga hayop.