Marami nang napulot na “treasures” ang dumpster-diving couple na sina Amir Jardan, 38, at ang kanyang fiancée na si Ruth Moore, 27.
Kabilang sa mga usal finds nila ay mga sirang iPad, drones, at iba pang electronic gadgets—na nire-restore ni Amir.
Nakakakuha rin sila ng mga mamahaling running shoes, luxury perfumes, and designer clothes.
Maging ang kanilang refrigerator ay napupuno nila ng tinapay, pasta, chocolates, at cookies na napupulot naman nila sa supermarket bins.
Maayos pa at hindi expired ang mga items na ito.
Read: Twin couples hold joint engagement ceremony
HOW MUCH DID THE COUPLE SAVE through DUMPSTER DIVING
Ang dumpster-diving journey nina Amir at Ruth ay naibalita ng iba’t ibang media outlets nitong ikatlong linggo ng February 2025.
Nakatira sa Dorchester, Dorset sa England ang couple kasama ang kanilang tatlong anak na may mga edad na 7 years old, 5 years old, at 6 months old.
Dahil sa kanilang mga napupulot, nakakagastos lang ang couple ng US$65 o PHP3,769.37 para sa kanilang pagkain kada linggo.
Usually ay takeout coffee lang ito na, ayon sa kanila, ay treat sa sarili.
Siyam na oras kada linggo ang inilalaan ng couple sa paghahalungkat sa mga bins sa iba’t ibang local stores sa kanilang area.
Nakatipid umano sila ng US$9,000 o PHP521,856 para sa kanilang mga dekorasyon at iba pang kagamitan sa bahay.
Sa loob ng isang taon, nakatipid naman sila ng US$11,000 o PHP637,816.12 sa kanilang food and groceries.
Ang mga furniture sa loob ng kanilang cottage ay nagmula lahat sa bin ng isang store.
Kabilang dito ang isang light fixture na nagkakahalaga ng US$176 o PHP10,200.26, isang coffee table worth US$222 o PHP12,862.34, at carpet na nasa US$77 o PHP4,461.26 ang presyo.
Read: Eggs bought from grocery store hatched after 21 days
AMIR AND RUTH'S REGULAR JOBS
Samantala, parehong may regular na trabaho ang couple.
Isang fire alarm engineer si Amir, habang postwoman o kartero naman si Ruth.
Pero kakaibang thrill ang hatid sa kanila ng paghahalungkat.
Pagbabahagi ni Amir sa @CoupleofDumpsters, ang official YouTube channel nilang mag-asawa, “You never know what you’re going to find—it’s like treasure hunting.”
Dahil dito, “We don’t shop anymore because you don’t get the same buzz when something is full price.”
Read: Boy calls police after his father “robs” his ampao
Sinabi rin niyang pareho silang mag-asawa na galing sa mahirap na pamilya.
“So we know what the cost of living is like—which is worse than ever.”
Ang ibang items na kanilang nakuha pero hindi nila magagamit ay ibinibigay sa charity na We Are Humans.
Ani Amir, masayang makapulot ng isang bagay na kapaki-pakinabang, pero gusto rin nilang mag-asawa na magbigay sa mga taong mas nangangailangan.
“We never keep more than our means.
“If there are clothes that are fit for someone who needs them or tons of canned goods, we donate that and more.”
Nakatutulong din aniya sa kapaligiran kahit paano ang kanilang ginagawa dahil nababawasan ang mga basura.
Read: Meet King Kong: World's tallest living water buffalo
DUMPSTER DIVING IS THE COUPLE’S FORM OF BONDING, WORKOUT
Para naman kay Ruth, ang dumpster diving nila ni Amir ay isang bonding activity at form of workout.
Hindi birong physical effort ang ginagawa nila makakuha lang ng mga discarded items.
Madalas sabihin ng kanilang mga kakilala na si Amir ang nagyayaya sa kanya, pero sabi ni Ruth, “But it’s me that’s taking him!”
Nagkakilala ang couple noong 2021.
Nang maging sila na, sinimulan nila ang dumpster diving noong April 2022 para makaagapay sa patuloy na pagtaas ng presyo ng mga bilihin sa kanilang bansa.
Noong una ay kinukuha lang nila ang mga itinapong items sa designated bins gaya ng rugs, lamps, clocks, at TV stand.
Ang couple mismo ang nagre-refurbish ng mga ito para maging presentable ulit.
Later, nalaman nilang may mga puwede pang mapakinabangan mula sa bins ng mga food shops.
Sinimulan din nilang i-post ang mga videos ng kanilang dumpster-diving activities sa YouTube noong November 2023.
Sa ngayon, mayroon silang mahigit 7,000 subscribers.
In a way, nakalikha sila ng isang online community na nag-e-educate sa mga tao tungkol sa dumpster diving.
Sabi ni Amir, “It’s fun, good for the bank account and environment.”
Pagbabalik-tanaw ni Amir, “On our first dive, we found loads of furniture which meant we were able to decorate our home.
“Then we moved on to food and haven’t looked back.”
Read: Russian mayor loses reelection bid to his personal driver’s wife
WHERE THEY DRAW THE LINE IN DUMPSTER DIVING
May mga bagay naman na hindi nila kinukuha—partikular ang karne.
Sabi ni Amir, “That’s where we draw the line.”
Umaasa rin siyang darating ang araw na makapaglulunsad siya ng isang programa kung saan maituturo niya sa mga kabataan sa eskuwelahan na ang dumpster diving ay isang magandang hobby at source of income.
Read: Young woman plays bride in prank wedding; finds out it's for real