Ten years na nag-ipon ng pera si Honkon para makabili ng kanyang dream car—ang Ferrari 458 Spider.
Isang young music producer si Honkon sa Japan.
Nasa label niya ang Japanese idol group na Chocorabi.
Kamakailan, ibinahagi ng 33-year-old entrepreneur sa X ang kanyang story.
Aniya, nabili na niya, sa wakas, ang kanyang dream car.
Pero, ilang minuto lang niya itong na-enjoy.
Bakit?
Nag-apoy kasi ang sasakyan habang minamaneho niya ito sa Shuto Expressway, Tokyo, noong April 16, 2025.
Read: Woman fakes disability for 16 years to collect pension
FERRARI CATCHES FIRE DURING TEST DRIVE
Pagbabahagi ni Honkon, kade-deliver ng binili niyang Ferrari 458 Spider, kaya, gad niya itong sinakyan para i-test drive.
Habang minamaneho, napansin niyang may puting usok.
Noong una, inisip ni Honson na baka galing ito sa kasabay na sasakyan.
Pero nang humarurot ang katabing sasakyan, natiyak niyang galing sa minamanehong Ferrari ang puting usok.
Inihinto niya ang sasakyan, agad lumabas mula rito, at tumawag sa fire department.
Ang sumunod na 20 minuto ay ginugol niya sa panonood sa kanyang dream car: Nasunog ito!
Read: 100-year-old tortoise becomes a first-time mother
HONKON THANKFUL HE DID NOT DIE INSIDE THE FERRARI
Sa kanyang tweet, sinabi ni Honkon na siya lang siguro ang katangi-tanging tao sa Japan na nagkaroon ng ganitong kamalasan.
Ipinakita rin niya ang larawan ng nasunog na sasakyan.
Aniya, “I spent 43 million yen and all I got was this photo.”
Sa current exchange rate, katumbas ng PHP17,312,402.30 ang naturang halaga.
Sa isinagawang imbestigasyon ng Tokyo Metropolitan Police Department, lumalabas na walang nakabanggaan ang Ferrari ni Honkon.
Wala pang conclusion tungkol sa nangyari.
Naniniwala ang mga pulis na nagsimula ang apoy sa makina ng mamahaling sasakyan, pero hindi pa matukoy ang dahilan.
Bagaman at aminado si Honkon na sobra siyang nalungkot sa nangyari, nagpapasalamat siyang nakaligtas sa traumatic incident.
Aniya sa kanyang social-media accounts, ang buong akala raw niya ay sasabog agad ang Ferrari.
Laking pasalamat niya na naligtas siya sa sunog.
Read: Woman named November June Brown, but her birth month is August