Higit isang dekada na mula nang huling lumabas sa telebisyon si Chef Rosebud Benitez, pero hanggang ngayon ay marami pa rin daw ang lumalapit at nakakakilala sa kanya.
“Laging ganyan, 'Chef, pinapanood po kita nung bata pa lang ako. Ngayon, may mga anak na ako.’
“We were just talking about it, sila Chef Boy Logro, and, of course, si Chef JR Royol, who still has a TV show now.”
Tulad ni Rosebud, si Boy ay nagkaroon din ng cooking show sa GMA-7, habang si JR naman ay may segment sa Kapuso early-morning show, Unang Hirit.
Si Rosebud ay naging host ng Quickfire, isang 10-minute cooking show na ipinalabas sa GTV, dating QTV, mula 2008-2012.
Before this, isa rin siya sa young chef hosts noon ng Ka-Toque: Lutong Barkada sa QTV mula 2005 hanggang 2009.
Ngayon, mas focused na si Rosebud sa kanyang food business.
Nakausap ng PEP.ph (Philippine Entertainment Portal) si Chef Rosebud sa Knorr Professional Stir-Fry Fest noong June 24, 2025.
Read: Netizens ask: Are Barbie Forteza and Jameson Blake an item?
ROSEBUD's ADVICE TO CONTENT CREATORS
Matapos ang 12 o 13 years mula nang huli siyang gumawa ng show, sinabi ni Rosebud na napakarami nang pagbabago sa TV landscape.
Noong panahong aktibo siya ay hindi pa tanyag ang social media, at TV ang main platform ng mga tao pagdating sa entertainment.
Mas tanyag na ngayon ang social media kesa sa TV, at naglipana ang maraming cooks at food vloggers.
Tila nagmarka naman daw sa tao ang ilang taong pagho-host niya.
"Maraming na-inspire to learn how to cook by watching me, by watching Chef Boy Logro. It is very heartwarming," sabi ng female chef.
May isa pang napansin si Rosebud: Lahat daw ay puwedeng maging content creator.
“But now that I see a lot of people doing it, everyone has a voice, everyone has their own platform. So, I’m also very happy for them.
“So it’s progress, it’s change. It is how it is."
Sana lang daw ay magamit nang tama ang impluwensiya ng mga vloggers at ng kanilang content.
“I just hope that the vloggers now will be more responsible when you post.
“Kasi minsan pag nai-vlog mo na, lalo na if you have a lot of followers, whatever it is that you do, kahit minsan may mali, iisipin nila, ‘Ah, ganoon pala iyon.’
“So I just wish and pray na lahat ng vloggers now will be responsible because a lot of people are watching you. And once you put it out there, it’s there, e.”
Maging ang paghahayag ng opinyon, hindi raw sa lahat ng pagkakataon ay positibo ang epekto.
“It’s too noisy. Everyone has a voice, a say in everything. Lahat na lang. Puwede mo namang palagpasin,” sabi ng chef.
Pero marami naman daw content creators na nakakabilib.
“Maraming napakagagaling na hindi lang yung basta nagluluto. Talagang they really create their content, na talagang pinag-iisipan from start to finish, and marami silang nai-inspire.”
Giit ni Rosebud ukol sa mga pagbabago, “Like everything, there’s change and you have to learn how to adapt to change all the time.
“I also have my social media accounts kasi, siyempre, you have to strengthen your social media presence also. Like me, gusto ko pa rin may matutunan ang tao from me…
“Yun ang parang when you post something, it will enhance, inspire.
“Wag tayong maglagay diyan for views.
"Views are okay, pero, at the end of the day, nung pinanood ka nila, meron ka bang na-add na maganda sa buhay nila? Kung natuwa o may natutunan sila.”
Read: Kobe Paras spotted holding hands while walking with a new mystery girl