Simula December 1, 2025, magtatakda na ang TikTok Shop ng PHP5 sa sellers nito bilang “order processing fee.”
Ipinaalala ito ng online platform sa pamamagitan ng email na ipinadala sa sellers last November 14.
Ayon sa email, ang additional fee ay kinakailangan para sa enhancements ng TikTok Shop para mas maipagpatuloy ang pag-unlad nito at mas mapaganda ang overall shopping experience ng users at sellers.
Ang bahagi pa ng email advisory: “The Order Processing Fee is fixed at PHP5 per order [tax inclusive], regardless of the number of items or the total order value.”
Read: DSWD condemns cash aid "cut" by Iloilo barangay officials
TIKTOK SHOP TO INITIALLY CHARGE PHP3 ORDER PROCESSING FEE
Para hindi agad makabigat sa sellers ang additional fee, ipatutupad muna ng TikTok Shop ang mas mababang fee na PHP3 simula December 1.
Muli itong magbibigay ng abiso sa sellers kapag ang mismong PHP5 additional fee na ang ipatutupad.
Bahagi pa ng email ng online platform: “TikTok Shop is committed to continuously enhancing long-term development and services, including improving platform experience, optimizing incentives and introducing new tools, such as AI [Artificial Intelligence-assistant] features.”
Ang Shopee at Lazada ang naunang magpatupad ng PHP5 additional order processing fee noong September 3.
Ang additional fee sa completed sales transactions ay bukod pa sa value-added tax at iba pang transaction fees na nacha-charge sa bawat completed sales transaction.
Read: Man receives coworkers’ salaries due to glitch; keeps the money
TIKTOK SHOP’S MARKET CONTINUES TO GROW IN THE PHILIPPINES
Inilunsad ng TikTok Philippines ang TikTok Shop e-commerce feature nito noong June 2022.
Baguhan ito kumpara sa Shopee at Lazada—na patok na sa sellers and users bago pa man nagkaroon ng pandemya.
Batay sa datos ng Statista, isang data-gathering company, lumaki ang e-commerce market ng Pilipinas nang 400 percent kumpara sa nakalipas na limang taon.
Ang Pilipinas din ang may second fastest growing e-commerce market sa buong mundo.
Sa 2024 data ng Statista, ang Shopee ang “largest e-commerce platform” sa Pilipinas.
Sinusundan ito ng TikTok Shop.
Sa ulat ng Bain & Co. and NielsenIQ, isang U.S. global consulting firm, malaki ang papel ng TikTok Shop para mabago ang commerce landscape sa Southeast Asia.
Sa platform na ito nakakatuklas ang consumers ng napakaraming produkto na angkop sa kani-kanilang lifestyle. Kadalasnag mas mura at mabilis ang shipping.
Read: Artist auctions obra maestra to help flood victims in Pampanga