Isinilang ni Ryza Cenon sa St. Luke’s Medical Center kahapon, October 31, ang panganay na anak nila ng kanyang partner na si Miguel Antonio Cruz.
Via normal delivery ipinanganak ng aktres si Baby Night.
Hindi napigilan ni Ryza na mapaluha dahil sa sobrang kaligayahan nang makita niya sa unang pagkakataon ang kanyang healthy baby boy.
"Napaiyak ako nung una ko siyang makita, pero nawala ang lahat ng pagod ko.
"Thirteen hours ako na nag-labor dahil 2 cm pa lang ang cervix dilatation ko.
"Pagdating ng 9 cm, doon na ako nag-deliver pero matagal din.
"One hour and forty minutes bago siya lumabas dahil kapag nagpapahinga ako sa pag-iri, bumabalik siya," kuwento ni Ryza sa eksklusibong panayam sa kanya ng PEP.ph (Philippine Entertainment Portal) sa pamamagitan ng Facebook messenger.
Ayon pa sa 32-year-old actress, "Saka masikip yung lalabasan ni Baby Night kaya yung last push ko, ginamitan na ng vacuum.
"Pero normal pa rin ang delivery sa kanya."
Si Baby Night ay may timbang na 2.68 kilograms at haba na 49 centimeters.
Bago nagbuntis si Ryza kay Baby Night, nakagawa siya ng isang TV series, ang Bella Bandida, na nakatakdang ipalabas sa TV5 simula sa November 24.
Si Ryza ang gumaganap sa karakter ni Bella Bandida, isang superhero na nagpo-promote ng women empowerment at tinutulungan ang lahat ng mga biktima na pang-aapi at pang-aabuso.
Gusto mo bang lagi kang una sa showbiz news at scoops? Subscribe to our Viber Chatbot here para lagi kang updated, and join our community for more pakulo!