Magiging lolo na sa edad na 44 ang former Gwapings member na si Eric Fructuoso dahil magkakaroon na ng anak ang kanyang 21-year-old son na si Frederick.
“I’m gonna be a lolo! A hot lolo!” ang Facebook post ni Eric ngayong Lunes ng gabi, August 9, tungkol sa bagong kabanata ng kanyang buhay.
Sina Jomari Yllana at Mark Anthony Fernandez ang mga kasamahan ni Eric sa Gwapings, na sumikat sa local entertainment industry noong dekada ’90.
Sa kanilang tatlo, si Eric ang unang makakaranas maging lolo.
At bilang ama, pinayuhan ni Eric ang malapit nang ikasal na si Frederick sa mga dapat nitong gawin bilang isang mabuti at responsableng asawa.
Sabi ni Eric sa panganay na anak, “Ikakasal ka na. Magkaka-baby ka na.
"Heto ha, based on experience lang, ha? Hindi ko sinasabing sundin mo, hindi ko sinasabing gayahin mo ako.
"Pero marami akong pagkakamaling ginawa, especially sa mommy mo, sa mga sumunod na…
“Ito ang pinakapayo ko sa 'yo. Alagaan mo yung asawa mo. Papakinggan mo siya, susundin mo siya.
"Huwag kang magpapadala sa temptation dahil, anak, sinasabi ko sa 'yo, hanggang sa edad ko ngayon, tinatrabaho ako ng babae lagi.
“Hindi ko na-experience manligaw, anak, pero lagi akong tinatrabaho. Kaya alam mo ‘yon, minsan nauuto ako, nadadale.
“Wala, e… marupok pa ako. Naniniwala pa ako.
"Kapag sinabing 'I love you,' ako naman 'I love you rin.'
"So, ibig sabihin, be true to your wife. Love her, love her like there’s no tomorrow, and enjoy-in mo lang.
"Huwag kang magpapaniwala sa ibang babae, ha?" real talk ni Eric sa kanyang panganay na anak.
Minsan nang sinubukan ni Frederick pumasok sa showbiz noong 2015.
Fifteen years old si Frederick nang sumali ito sa Season 6 ng StarStruck, ang reality-based artista search ng GMA-7.
Sina Ivana Alawi, Arra San Agustin, Migo Adecer, at Klea Pineda ang ilan sa batchmates ni Frederick. Umabot lamang siya hanggang sa Top 35 contestants ng StarStruck Season 6.
Use these Shopee vouchers when you shop or order online. Marami pang ibang coupons dito.