Isinilang na ni Angeline Quinto ang anak nila ng kanyang non-showbiz boyfriend nitong Miyerkules ng gabi, April 27, 2022.
Mismong ang Kapamilya singer-actress ang nag-anunsiyo nito sa pamamagitan ng Instagram Story, kung saan sinabi niya ang oras ng kapanganakan at pangalan ng kanyang anak.
Ani Angeline: "10:22 PM. 27 April 2022. Baby SYLVIO."
Kasunod nito ay nag-post si Angeline sa Instagram Story ng larawan ni Baby Sylvio na nasa incubator habang pinagmamasdan ng ama nito.
Ilang oras bago siya magsilang ay nag-post pa si Angeline ng larawan niya habang nasa loob ng sasakyan, at may nakasulat na "READY TO POP!!" sa kanyang belly. Hudyat na anumang oras ay manganganak na siya.
PEP Live