Noon ay kilalang-kilala at pinagpantasyahan ng marami si Jomari Yllana dahil sa mga mapangahas niyang sexy pictorial na naka-swimming trunks o underwear.
Read: Jomari Yllana explains why he did not run for higher office
Ngayon ay may anak na binata si Jomari, ang Viva artist na si Andrei Yllana.
Payag ba si Jomari kung may offer na sexy pictorial kay Andre?
Sagot ni Jomari: “He doesn't have to ask permission from me, e, kasi Andrei is an artist. Ano yan e, hilig niya yan, e.
“He knows what he's doing, pinag-aralan niya yan. He knows the craft, the work, and it's all actually up to him. He's nasa tamang age.
"Sa generation namin, I've done films [na] sensual. It doesn't matter, pero ang ending niyan is ano yung lesson na gusto mong i-relay portraying that role."
Mahalaga ay gusto raw ni Andre ang ginagawa.
“Sa akin, it's all yung fulfillment of the actor, anong pakiramdam niya, yung tinatawag na instinct. Instinct yan, e, di ba?
“So sa akin, he doesn't need to ask permission from me, he's an adult. He is good at what he's doing. Anything goes, and he will actually learn a lot along the way."
JOMARI YLLANA DRAG RACING EVENT
Samantala, magtatapos ang panunungkulan ni Jomari bilang konsehal sa unang distrito ng Parañaque.
Nitong nakaraang eleksyon ay hindi siya tumakbo, kundi ang karelasyong si Abby Viduya. Ngunit hindi pinalad si Abby na maging konsehala sa Parañaque.
Sa ngayon ay abala si Jomari sa kanyang Yllana Racing Team.
Sa May 31 ang launch ng Jom's Cup ng Okada Manila Motorsport Carnivale 2025.
Ito ay drag racing event na pinangunahan ni Jomari at ng kanyang racing team na gaganapin sa Okada Manila Boardwalk and Gardens.
May mga kategorya itong vintage car, muscle car, at super car.
Katuwang ni Jomari sa event ang international race official na si Rikki Dy-Liacco ng Fédération Internationale de l'Automobile (FIR).
Read: Triplets graduate summa cum laude with similar degrees
JOMARI YLLANA ON POLITICS AND MOTOR SPORT
Kung papipiliin siya sa motorsport at politics, ano ang mas gusto niya?
"I pick motor sport," bulalas ni Jomari.
"You know why? Because my end term will be in June," natawang sabi ng aktor.
Sabay seryosong sabi niya, "Pero ano to ah, it's totally different, so public service and motorsport, totally different.
“I don't know. I've been in the sport for quite some time. Being a public servant [for] nine years, I’ll be ending my term in public service.
“Pero looking forward, excited ako dun sa na-achieve ko as a city councilor, and I'm very, very excited sa gusto kong ma-achieve with Philippine motorsport
“So sa akin, it gives me balance."
Naiisip din ni Jomari na puwede siyang maging aktibo ulit sa production.
Lahad niya: "Hinahanap siya ng system ko. It's been a while, I started with production also.
"I still remember Palibhasa Lalake, during that time, I think I was 17 or 18. So we were there to support a production, the biggest concert in history,
"And it's actually situated in this part of the lot, the property where we are right now, it was the Michael Jackson concert, wala pa ‘tong building na ‘to."
Ang tinutukoy ni Jomari na building ay ang Okada Manila Resort and Casino kunsaan ginanap ang interbyu.
Pagpapatuloy niya, "So I find peace and balance with production, legislation, and entertainment, so iyan yung bumubuo ng pagkatao ko.”
At dahil mahilig si Jomari sa sasakyan, nakatuwaang tanungin ng PEP kung anong klaseng sasakyan ang maaari niyang ipanglarawan sa sarili.
Hirit ni Jomari, "Rolls Royce, masarap akong sakyan! Ha! Ha! Ha!"