Tumatak na sa Pinoy moviegoers ang galing ng aktor na si Cedrick Juan sa pagganap niya bilang Padre Jose Burgos sa historical film na GomBurZa.
Siya ang hinirang na Best Actor sa nakaraang Metro Manila Film Festival 2023.
Read: NEW ENDORSER ALERT: Heart Evangelista for Viomi Water Solutions
CEDRICK JUAN ON BEING A FATHER
Matapos ang lagpas sa isang taon ng kanyang pagkapanalo, maraming milestones na nangyari sa kanyang buhay.
Inanunsiyo niya ang engagement nila ni Kate Alejandrino sa isang Instagram post noong February 18, 2025.
At makalipas lamang ang halos anim na buwan, noong Hulyo 21, 2025, inanunsiyo niya ang pagkakaroon nila ng baby.
Pero isang buwan muna nilang inilihim ang panganganak ni Kate bago ito isapubliko.
CEDRICK JUAN ON FATHERHOOD
Ano ang naidulot na kasiyahan sa kanya ng pagiging isang ama kay Baby Rocio?
"It's really more on prioritizing my schedule and my plans and being intentional about it.
Maituturing din daw niya itong dagdag na blessing.
"Oo naman. I think ano naman siya, e, since it's ano, in good intention naman tayo with everything.
"Having a baby rin naman, I think it adds up to the layers of me as a human being and, at the same time, as an actor din.
"Parang mas kumapal pa siya kasi yung, yung part na iyon ng pagiging tao, pagiging magulang, hindi mo yun masasabing alam mo na until you experience it."
Nabago ba siya ng fatherhood?
"Hindi. I think mas nabago yung pagpa-prioritize ko ng schedule at oras and intention sa buhay."
View this post on Instagram
CEDRICK JUAN HELPS WITH THE HOUSEHOLD CHORES
Hands-on dad ba siya?
"I am. I am hands-on po. As much as possible, bina-balance ko yung life ko as an actor, as a father, and as a husband."
Tumutulong ba siya sa gawaing bahay?
"Well, lumaki po ako, lumaki po ako na marunong ako sa gawaing bahay.
"So normal siya sa akin na siyempre kailangan magpahinga ng asawa ko, ako, maglilinis ako. I think that's normal.
"Parang dapat wala na tayong gender role lang na pagdating sa household chores ay babae lang.
"So sanay po ako sa ganun. So wala po siya problem sa akin."
Ano ang mga worries niya para sa anak? Tarantahin ba siya halimbawa kung bigla na lang itong umiiyak?
"Oo naman. Siyempre, pag may sakit po, yun po yung mahirap na, na ano natin, na nararanasan nila na sana hindi laging mangyari.
"And, at the same time, siyempre, nandiyan lagi yung future stability na lagi iniisip.
"Siyempre eventually mag-aaral po siya. And siyempre, yung time together with my wife. I think yun naman yun.
"Na parang kahit magulang na kami ngayon, dapat hindi mawala yung kami, kami muna yung nagsimula bago kami nagkaanak."
Samantala, kasama si Cedrick sa short film entry na They Made Monster para sa QC Short International Film Festival na magsisimula mula November 13 to 22.
Mapapanood ang mga entries sa Gateway Cineplex 18, Robinsons Movieworld Galleria, Ayala Malls Cinemas TriNoma, Fisher Box Office, at SM Cinema – SM City Fairview.
View this post on Instagram
Read: Thea Tolentino tells Mikee Quintos not to mind her wedding