Sa pagbubukas muli ng mga paliparan sa mga areas na nasa general community quarantine, may mga bagong airport rules na ipapatupad para masiguro ang contactless flights.
Of course, base sa public briefing ni Presidential Spokesperson Harry Roque nitong May 13, 2020, hindi pa rin maaaring mag-travel ang mga residente ng mga lalawigang nasa modified Enhanced Community Quarantine (ECQ).
Pero nag-set na ang Manila International Airport Authority (MIAA) at local airlines ng safety measures, na ini-upload sa kani-kanilang Facebook accounts at websites.
Ang mga ito ay base rin sa guidelines ng Department of Transportation (DOTr) at Bureau of Quarantine.
"They are foreseen to be the new way of life for both passengers and airport staff once travel restrictions are lifted and NAIA [Ninoy Aquino International Airport] resumes operations," sabi ng MIAA sa Facebook page nito noong May 6.
ONLINE BOOKING
Sa guidelines na inilabas ng Philippine Airlines (PAL) noong May 2 at Cebu Pacific noong May 11, it is recommended to book your flight through websites o mobile apps.
Kung hindi ito posible, puwede rin sa kanilang ticketing offices provided na ikaw ay makikipag-transact nang nakasuot ng face mask.
ONLINE FLIGHT CHECK-IN
Recommended din ang pag-check in online before your flight date upang mapabilis ang proseso at maiwasan ang human contact pagdating sa airport.
ARRIVAL AT THE AIRPORT
1. NO TRAVEL DOCUMENTS, NO ENTRY TO AIRPORT FACILITY
Ayon sa guidelines ng MIAA, tanging ang mga pasaherong mayroong valid travel documents at proof of confirmed booking ang papayagang pumasok sa loob ng airport facility.
2. MANDATORY WEARING OF FACE MASKS
Isuot ito pagpasok ng airport at sa kabuuan ng iyong flight.
3. BODY TEMPERATURE WILL BE CHECKED
Ipagpapatuloy ng MIAA ang kanilang isinasagawang body temperature checks.
4. CONTACTLESS SECURITY CHECK
Ang security checks ay gagawin na lamang sa pamamagitan ng "no contact means" gaya ng walk-through x-ray machines, portable scanners, handheld metal detectors, at iba pa.
Lilimitahan na rin ang "pat down or manual frisking" sa mga panahong ito at gagawin na lamang kung kinakailangan.
5. SOCIAL DISTANCING SHALL BE STRICTLY OBSERVED
Maglalagay ng "yellow floor markings" sa queuing points upang masigurong pupuwesto ang mga nakapilang biyahero nang may tamang distansya sa isa't-isa.
"When seating, a 'one seat apart policy' shall be enforced," dagdag ng MIAA.
BAGGAGE CHECK-IN
1. CHECK-IN HOURS BEFORE YOUR FLIGHT
Kung ang iyong flight ay sa Cebu Pacific, dapat ay i-check in mo ang iyong mga bagahe dalawang oras bago ang iyong flight.
Para sa mga sasakay sa PAL, dapat ay makapag-check in ka apat na oras bago ang departure time ng iyong international flight, at tatlong oras naman kung sasakay ka ng domestic flight.
Isang bag lamang ang puwedeng i-hand carry ng bawat pasahero sa eroplano.
2. ONLY ONE PERSON IS ALLOWED TO CHECK IN THE BAGGAGE
Isang tao lamang ang papayagan ng Cebu Pacific na pupunta sa baggage drop-off counter, regardless sa bilang ng taong lilipad at sa luggage na dala niyo.
PRE-DEPARTURE AND BOARDING
1. COMPULSORY HEALTH DECLARATION
Alinsunod sa utos ng Bureau of Quarantine, lahat ng pasahero ay kailangang i-fill out ang electronic "health declaration form" at "passenger locator forms."
Ito ay upang mapadali ang contact tracing sa sinumang biyaherong posibleng positibo sa COVID-19, pati na rin sa mga nagkaroon ng interaksyon sa kanya.
2. TOUCHLESS SCREENING
Pagdating sa boarding, "passengers will be required to hold out their boarding passes with the barcode facing the airline staff, for touchless scanning," sabi ng Cebu Pacific.
3. DISINFECTION THROUGH FOOT BATHS
Ang lahat ng papasok at lalabas ng eroplano ay dadaan sa mga foot bath o foot mat para ma-disinfect ang suot na sapatos.
IN FLIGHT
1. MANDATORY WEARING OF FACE MASKS THROUGHOUT THE FLIGHT
Bukod pa rito, avoid touching any surfaces, pati na rin ang iyong face, unless nakapag-disinfect ka.
2. SELF-SERVICE WHEN STOWING BAGS AND DISPOSING TRASH
Kung dati ay tinutulungan ng cabin crew ang mga pasahero sa paglagay ng kanilang hand-carry bags sa overhead bins, ngayon ay ikaw nalang mismo ang gagawa nito, pati na rin ang pagtatapon ng basura bago ka bumaba ng eroplano.
3. MIDDLE SEATS MUST BE KEPT EMPTY
Mahigpit ring ipapatupad ang social distancing, kung kaya't panatilihing bakante ang lahat ng middle seats sa eroplano.
Ipinagbabawal rin ng cabin crew ang paglipat ng upuan during the flight.
Gusto mo bang lagi kang una sa showbiz news at scoops? Join and subscribe to our Viber Chatbot here para lagi kang updated!