Bawal patatakan ng unauthorized stamps, tulad ng souvenir stamps, ang pasaporte.
Bukod kasi sa mai-invalidate ay maikukunsidera ring pagta-tamper ito sa official document, at may karampatan itong parusa sa ilalim ng batas.
Inilabas ng Department of Foreign Affairs (DFA) ang paalala na ito sa mga Philippine passport holders.
Ipinost ang advisory sa official website, pati na rin sa Facebook, kahapon, February 25, 2026.
Buong pahayag ng ahensiya: “The Department of Foreign Affairs (DFA) reminds Philippine passport holders to refrain from putting unauthorized stamps or markings on their Philippine ePassports.
“Such unauthorized changes to the ePassport not only renders the travel document invalid, but is also considered as tampering of an official document, which is punishable under the law.”
Mahigpit ding paalala ng DFA: “The ePassport should be submitted only to authorized officials or authorities for stamping.
“The Philippine ePassport is the property of the Republic of the Philippines and any alteration, addition, or destruction of its contents is strictly prohibited.”
Read: Still valid: A passport that has accumulated mold?
FILIPINA TRAVELER RECOUNTS COSTLY PASSPORT MISTAKE
Kamakailan lamang, naitampok sa GMA Integrated News ang kuwento ng isang Filipina traveler ukol sa naranasan niyang interogasyon noon dahil sa souvenir stamps na nakita sa kanyang passport.
Kinilala ang digital nomad na si Kach Umandap, tubong Palawan.
Naitampok na rin sa PEP.ph (Philippine Entertainment Portal) si Kach, dating OFW na nalibot na ang mundo.
Umabot na sa 193 bansa ang kanyang nabisita.
Read: Kach Umandap, 33, dating OFW na nakalibot na sa 173 countries
Pagbabalik-tanaw ni Kach, bumisita siya sa South America at Antarctica noong 2014.
Pinatatakan raw niya ang kanyang passport ng mga souvenir stamps.
“Stamp lang ako nang stamp basta sa mga destinations na sikat, kuwento niya sa GMA Integrated News.”
Ginaya raw niya ang mga foreigners na nakikita niya na nagpapatatak din sa kanilang passports.
Pagdating sa U.S. airport, hinarang siya ng mga immigration officers doon.
“Sabi nila, ‘Your passport is already canceled and considered tampered.’”
Pagbabahagi pa niya, “I didn’t know that, and I was a new traveler.
“Na-interrogate ako for three hours.”
Napayagan din daw siyang makapasok pero, hindi na binanggit ang mga detalye kung paano ito nangyari.
Basta ang natutunan daw niya ay dapat na official stamps lamang ang nasa pasaporte. Ito ang mga tatak na nagpapatunay ng pagpasok o paglabas sa ibang bansa.
“The act of putting stamps na unauthorized ng any authority, whether sa Philippines po or sa ibang bansa, can be considered tampering of the document,” sabi ni Atty. Raymond Aljon Cusipag, assistant director, DFA Passport Division.
Ang batas daw na ito ay hindi lang sa Pilipinas umiiral kundi maging sa foreign immigrations.
“Sa mga hindi po nakakaalam, hindi po dapat nilalagyan ng souvenir stamps ang kanilang passports.”
Nakasulat din daw ang reminder na ito sa likod ng pasaporte.
Samantala, parati ring nagbabaggit si Kach ng travel reminders sa mga ginagawa niyang vlogs, para hindi na mangyari sa iba ang kanyang mga naranasan.
https://www.facebook.com/photo?fbid=1267772478839322&set=a.170032678613313