Nakausap ng PEP (Philippine Entertainment Portal) si Jay Justiniani, ang isa sa dalawang vocalists ng sikat na bandang Cueshe kagabi, January 7, sa press launch ng Asian Treasures ng GMA-7.
Ang Cueshe ang kumanta ng theme song—"Walang Yamang Mas Hihigit Sa ‘Yo"—ng tinatawag na epic adventure na ito, starring Robin Padilla and Angel Locsin.
Sinabi ni Jay na masaya sila ng kanyang mga kabanda sa Cueshe dahil sa mga nangyari sa kanila noong 2006, kahit na may mga intriga ring dumating.
"Well, our Pilipinas Tour is still going on. And luckily this year, GMA-7 gave us a chance to sing the theme song of Asian Treasures," bungad na pahayag ni Jay sa PEP.
"Year 2006 was okay. May ups and downs, may problema... Masaya at saka hindi masaya, ganun. For 2006, ayaw naming kalimutan yung mga things na, like, some people would [find] ways to use us or say bad things about us.
"So this year, we became better actually. Because when New Year came...before it ended, everybody was having fun. Kami, we were having a meeting. We do that every year e."
Pahayag pa ni Jay, "We were talking about the flaws, mga mali namin, to keep the group stronger. For now, we were so happy. May problems man or kaunting doubts, nao-open up."
Ano naman ang mga ayaw nilang nangyari sa Cueshe last year?
"Controversies, siguro... Lahat, lahat! With the line of work that we're into, wala talaga kaming magagawa. Being in a band is also showbiz. I thought na if you're in a band, kakanta ka lang," sagot ni Jay.
"First na lumabas yung mga ganu'n, medyo mahirap. Pero as time passses by, you get to learn, you get to keep quiet. That's the best thing to do e. That's the best thing to do for a guy—to keep quiet. Yung lalaki talaga, kapag salita ka nang salita about a girl, kapag burara kang magsalita, parang masama."
Kumusta naman ang "baby" daw nila ni Paw Diaz? Last year kasi ay lumabas ang balitang nabuntis ni Jay ang contract artist ng ABS-CBN.
"Yun nga e, may baby na daw kami," tawa ni Jay. "Wala... May isyu nga kasi last year, may isyu na buntis daw. Yung isyu, nag-start six months or five months [na raw si Paw], siguro malaki na yung 'bata' ngayon."
Nagkikita pa ba sila ni Paw?
"No comment!" tawa niya. "Basta hindi siya buntis."
Kumusta naman sila ni Ynez Veneracion na na-link din sa kanya?
"Basta friends pa rin," matipid niyang sagot.
Nang tanungin ng PEP kung sino kina Paw at Ynez ang mas ka-close niya ngayon, halakhak lamang ang isinagot ni Jay.
May plano na ba siyang magsolo at tumiwalag sa Cueshe?
"No, no plans," aniya.
Malaki ang ipinayat ni Jay, hindi na siya chubby gaya dati. Fit and trim na siya although hindi siya nagdyi-gym. Less carbs and less rice daw ang slimming secret niya.
Loveless din daw siya ngayon. Wala raw siyang girlfriend dito sa Manila, or kahit sa Cebu.
Hindi kaya puro one-night stand lang siya?
"Wala, wala, mahirap yun! Baka mamaya, magkaroon na naman ng isyu na nakabuntis ako. Or baka mamaya, may lalabas sa TV na ‘Ni-rape ako ni Jay!' or ‘Ay, nag-take advantage sa akin si Jay!'—mga ganu'n," natatawang pagtatapos ni Jay.