Maganda ang naging pagbabalik ni Marcus Madrigal sa showbiz. Matagal-tagal din kasi siyang nawala ngunit sa pamamagitan ng GMA-7 soap drama na Bakekang kaya nakapag-circulate ulit siya sa showbiz.
Ngayon ay kasali na siya sa 14th season ng Daisy Siete, ang "Siete-Siete, Mano-Mano." Gaganap siyang anak na bading ni William
Martinez na isang retired boxer.
"Napakaganda ng role na binigay sa akin dito sa Daisy Siete," masayang sabi ni Marcus. "Natutuwa ako at naisipan nila akong kunin. Noong mapanood daw kasi nila ako sa Bakekang,
nakita nilang puwede pa pala ako kaya nagpapasalamat ako sa Focus E,
lalo na kay Ate Joy Cancio sa magandang opportunity na ito na mapasama
sa show nila."
Wala raw manager ngayon si Marcus at tinutulungan daw siya sa bookings ng GMA-7. Hindi nga inakala ni Marcus na makakabalik pa siya dahil alam niyang marami ng mga bagong artista.
Nagsimula bilang sexy star si Marcus noong late ‘90s. Isa sa mga pelikulang ginawa niya ay ang ang Pila-Balde kasama si Ana Capri.
"Para
kasing ang hirap nang makasingit, pero nabigyan pa rin tayo ng
pagkakataon. Matagal nga akong nawala at nakaka-miss talaga ang
showbiz. Mabuti na lang at marami pa ring mababait na tao na willing
tumulong," sabi niya.
Ang naging balita nga ay kaya siya nawala
ay ibinahay raw siya ng isang mayaman na bading. Natawa na lang si
Marcus dahil wala raw katotohanan iyon.
"Kasama ko pa
rin ang nanay ko sa bahay. Ayoko ng hindi kasama ang nanay ko.
Nakakatawa na lang ang mga balitang 'yan. Matagal nang tsismis sa akin
‘yan, ‘di ba? Bahala na lang sila kung ano ang isipin nila. Basta ako,
balik-trabaho ako," pagtatapos ni Marcus.