Hanga raw ang director-politician na si Lino Cayetano sa ipinakita ng kanyang nakatatandang kapatid na si Senator Alan Peter Cayetano sa nakaraang vice presidential debate.
Aniya, natural na katangian lamang ng kanyang kuya ang nakita ng publiko noong nakaraang debate, lalo na ang pagkukuwestiyon nito sa kapwa senador at VP candidate na si Bongbong Marcos.
Saad ni Lino, “Si Kuya, he's always a fighter.
“He always fights for the things he believes in.
“Siyempre ako, every time na he's up against something, kinakabahan talaga ako.
“During the jueteng hearing in Erap's [ex-president Joseph Estrada] time, the Hello Garci hearings in GMA's [ex-president Gloria Macapagal-Arroyo] time, LTO and MRT hearings in present [President Noynoy] Aquino's time, binangga niya sina [Sen. Juan Ponce] Enrile.
“Two nights ago, a lot of people were talking about sagutan nila ni Senator Bongbong about corruption.
“Yung kay Allan, he'll just always fight for the things he believes in and he'll ask the questions that other people won't ask.”
Dagdag pa niya, “Tayo naman dito sa labas, napag-uusapan natin ang nakaraan, ang produkto ng Martial Law.
“Para sa kanya, bakit tayo magbubulag-bulagan? Puwede namang pag-usapan, puwede namang sagutin.
“He's only asking the question that all of us are asking.
“The vice presidential debate isn't just about him naman and Sen. Bongbong.
“I think he has other questions for other candidates.”
Sa tingin ba ni Lino ay nakumbisi ng kanyang kuya ang publiko na iboto siya sa darating na halalan?
Sagot niya, “I think that's up to the voters.
“But for me, I want a vice president who will fight for me.
“The vice president is the only cabinet member who's elected by the people.
“Ang gabinete ng president ay pinipili 'yan.
“Kaya ngayon, ang daming problema sa MRT, sa airport, hindi natin masisante ang secretary ng DOTC [Department of Transportation and Communications] dahil hindi siya halal ng tao, pinipili siya ng president.
“The vice president is the only cabinet member elected by the people, may choice tayo.
“Kaya ang gusto kong vice president, hindi lang mabait o honest, pero yung ipaglalaban tayo at may boses.
“For me, throughout Alan's career, we can say a lot of things about it. Pero hindi siya tatahimik kung alam niyang may mali.”
Bilang suporta, sumasama pa rin daw si Lino sa mga campaign sortie ni Alan kung wala siyang taping.
Ngayong magtatapos na ang termino niya bilang representative ng second district ng Taguig City, nagbabalik si Lino sa pagdidirek sa pamamagitan ng My Super D ng ABS-CBN.
Nakausap ng PEP.ph (Philippine Entertainment Portal) at iba pang miyembro ng media si Lino sa presscon ng My Super D noong Martes, April 12.
DUTERTE ON TOP. Samantala, natanong din si Lino kung ano ang masasabi niya sa positibong resulta ng latest presidential race survey, kung saan nangunguna na ang kaalyado ni Alan, ang presidential candidate na si Rodrigo Duterte.
Aniya, “We really believe in our hearts that we need transformation in this country.
“Puwede naman tayong more of the same.
“I think President Aquino did a lot of things to make the country a better country.
“But ako, I wanna see in six years a transformation.
“I want my son to be able to grow up in a place na very different from what we see now.
“We have wonderful people. We have the best people, but the government officials always tend to fail us.”
Diin pa ni Lino, “Sa akin, I believe that there can be massive transformation.
“You've seen it in Taguig, you've seen it in Davao.
“Naniniwala ako na yung mabilis na pagbabago ay posible.
“I think only Mayor Duterte can bring transformative change.”
Pagdating naman sa kandidatura ni Alan bilang bise presidente, sabi ni Lino, “I think Mayor Duterte needs a partner. I think he needs someone he can talk to or someone he believes in.”