Manalo pa kaya si Mart Escudero sa StarStruck Final Judgment Night?
Ngayong gabi na gaganapin ang Final Judgment Night ng StarStruck The Next Level. Friday night, March 23, nadanaan namin ang Marikina Sports Park at halos buo na ang stage na gagamitin for the show. Gabi rin ng Friday, ang last weekday telecast ng show, may ipinapakita nang warning—supposedly a first in StarStruck—adisqualification of a candidate.
During the telecast, napag-alaman na up for disqualification pala si Mart Escudero of Cavite. Ayon sa report, may kinunan siyang isang video sa cell phone ng isa sa mga StarStruck staff habang nagbibihis. Pinasok niya raw ito sa comfort room.
Ikinalat daw ni Mart ang nasabing MMS hanggang umabot ito sa mismong kinunan niyang staff. Nalaman din ng staff na si Mart ang kumuha nito at nagkalat. Nagreklamo ang staff sa GMA-7 management.
Una, idinenay ito ni Mart. Pero later on, inamin niya na rin.
Humingi ng second chance si Mart sa StarStruck council. He was given that chance but with a price to pay. Babawasan siya ng points from the Council scores nina Ms. Lorna Tolentino, director Louie Ignacio, and talent manager Douglas Quijano.
Malaki ang mababawas sa final score ni Mart because of this.
Nagkaharap na rin si Mart at ang StarStruck staff at nagkaayos na sila.
In a related but unconfirmed news, it was said na si Aljur Abrenica raw ang nagsumbong sa StarStruck staff ng ginawa ni Mart.