Excited na si Irish Fullerton para sa kanilang two-week trip sa US kasama ng lima pang top scholars ng Pinoy Dream Academy (PDA) na sina Yeng Constantino, Jay-R Siaboc, Ronnie Liang, Panky Trinidad, at Chad Peralta. Sa anim, si Irish ang nag-iisang US citizen kung kaya't hindi niya na kailangang pumila pa sa US Embassy para kumuha ng visa.
Susunduin sila sa States ng father ni Irish, an American, na matagal na niyang hindi nakikita. Kung mabibigyan daw sila ng free day, malamang umuwi siya sa kanila sa Tracy, some four hour drive from Los Angeles.
Decided si Irish to make it big as a singer dahil part ito ng kaniyang goal. In her life pala, sabi niya, she has always set goals. Nag-promise siya na by the time she's 22, she will be leaving her parents' house and she did at 21. When she was 18, nag-promise siya to get a car of her own at nagawa niya rin ito.
Ang mga goals ngayon ni Irish, maging platinum ang kaniyang album na iri-release pa lang this May 6, pagbalik nila from their US tour, at magkaroon ng pangalan sa industriya.
"I didn't travel half of the world for nothing," sabi niya over early dinner sa Dencio's kahapon, April 2.
Wala raw siyang balak umibig muna dahil alam niya the first two years of a career ang pinakamahirap and she must not be distracted by that thing called love.
Alam niyang gusto siya ni Mark Bautista, the Champion na kasama niya sa ASAP ‘07 sa ABS-CBN. Minsan na silang nag-date and she likes him, pero hindi pa siya puwedeng magpakaseryoso sa pag-ibig.
"I can't hold him for the moment, I have my goals. Kung makapaghihintay siya," sabi ni Irish.
Nasabi sa kaniya na one of the reasons kung bakit hindi uuwi ng Cagayan de Oro si Mark this Holy Week ay dahil he wants to see Irish before she goes, to wish her well.
"Talaga? Hindi niya sinabi sa akin ito, buti pa sa inyo," natatawang komento ni Irish.
Nasabi rin sa kaniya na may regalong t-shirt si Mark from Australia kung saan siya nag-concert recently. It has the phrase "Kiss Me I'm Irish."
"Nasabi niya sa akin na may regalo nga siyang t-shirt, pero hindi niya pa naibibigay kaya buti pa ulit kayo alam n'yo na ang nakasulat sa t-shirt," sabi ulit ni Irish.