Nabalitaan ng PEP (Philippine Entertainment Portal) na kasama sa cast ng Impostora si Mark Anthony Fernandez. Sila ni Alfred Vargas ang leading men ng bagong teledrama ng GMA-7. Ang hindi pa lang sigurado ay kung sino kina Sunshine Dizon at Iza Calzado ang kanilang makakapareha.
Excited na raw si Mark na mag-taping sa kanyang first primetime show sa Kapuso Network. Sa June 18 nakatakdang magsimula ang airing ng Impostora bilang kapalit ng Asian Treasures nina Angel Locsin at Robin Padilla.
Magaling na aktor si Mark at makikipag-sabayan ito sa galing nina Sunshine at Iza. Si Mark ay anak nina Rudy Fernandez at Alma Moreno.
Nagsisilbi ring reunion nina Sunshine at Iza ang Impostora na unang nagkasama sa Kung Mawawala Ka at nasundan ng Encantadia/Etheria.
Parehong excited ang dalawa sa muli nilang pagsasama't magkakatulungan daw sila sa kanilang mga eksena. Pareho rin silang naging parte ng cast ng pelikulang Sabel ni Judy Ann Santos, pero wala silang eksenang magkasama.
Si Maryo J. delos Reyes na balik-GMA-7 ang direktor ng Impostora.