On hold na naman ang magic teen show ng GMA-7 na L.U.V. Pow.
First conceptualized as a replacement show for the then folding-up Love to Love, cast scheduling ang naging dahilan kung bakit naantala ang L.U.V. Pow. Dahil dito, naglagay muna ng movies ang GMA-7 sa Sunday timeslot na iniwanan ng Love to Love.
Originally starring Yasmien Kurdi, Rhian Ramos, and Camille Prats, busy noon sina Rhian at Camille sa Captain Barbell at si Yasmien naman sa Bakekang. Parehong magsisimula pa lang noon ang production ng mga nabanggit na programa.
Nagkataon ding tumuloy ang production staff ng L.U.V. Pow sa Malaysia for its other production, ang Malaysian co-produced show na Muli. So minabuti ng GMA-7 na unahin na muna ang pasok ng Magic Kamison ni Gladys Guevarra.
Nag-resume ang taping ng L.U.V. Pow with a new cast. Retained pa rin sina Yasmien at Rhian, pati na ang nasa original list na Roco twins, Dominic and Felix, plus Rainier Castillo. Pero nawala si Camille at pinalitan ni Valerie Concepcion. Nadagdag na rin sina Mike Tan bilang partner ni Valerie at si Alessandra de Rossi bilang main kontrabida.
Nabalitang ang L.U.V. Pow na raw ang papalit sa Magic Kamison once its first season is finished. Pero nagkaroon muli ng pagbabago nang ma-extend ang Magic Kamison for six-weeks worth of a story arc na pagbibidahan ni Jewel Mische.
By May 10, after the fourth story arc of Magic Kamison ends, balitang magkakaroon ang Magic Kamison ng back-to-back show, ang The Boys Next Door. Preparasyon na ito sa pagpasok ng L.U.V. Pow This way, kung pambabae ang kuwento ng L.U.V. Pow, panlalaki naman ang The Boys Next Door, so magiging balanse ang shows.
Ngunit nitong Sabado, Abril 14, in-announce na on-hold na naman ang taping ng L.U.V. Pow. Technically, may isa pang taping day sa buwan ng Mayo, but the production will finally resume on September.
Tuloy pa rin ang fourth story arc ng Magic Kamison ngunit hindi na nito makaka-back-to-back ang The Boys Next Door. Ang The Boys Next Door na mismo ang papalit sa Magic Kamison.
Hindi pa nagsisimula ang taping ng The Boys Next Door. As of the latest, once The Boys Next Door ends, ang L.U.V. Pow na ang papalit dito.
Walang ibinigay na rason kung bakit palaging nahu-hold ang production ng L.U.V. Pow, butthis may have to do with the heavy special effects na kinakailangan ng production.