Pumanaw na ang tanyag na broadcaster na si Kuya Cesar kagabi, May 17.
Ayon sa ulat ng "Unang Balita," ang morning news segment ng Unang Hirit sa GMA-7, idineklarang "dead on arrival" ng Capitol Medical Center si Cesar Nucum, tunay na pangalan ni Kuya Cesar, nang dumating ito lulan ng isang taxi.
Nagpahatid diumano ang batikang brodkaster sa taxi nang makaramdam ng kahirapan sa paghinga. Dagdag pa ng pamilya ni Kuya Cesar, inatake siya sa puso at namatay habang patungo sa ospital.
Kilala si Kuya Cesar sa kanyang mabagal na pananalita sa kanyang programa sa radyo, ang Dear Kuya Cesar. Siya ay binawian ng buhay sa edad ng 69.
May early morning program si Kuya Cesar sa dzMM, ang radio station ng ABS-CBN.
PEP Live