Hindi nagpatinag si KC Concepcion sa netizen na binatikos ang kanyang pangangatawan sa social media.
Kaugnay ito ng Instagram post kung saan nakasuot si KC ng shoulder-baring outfit of the day o OOTD nitong Linggo, June 30.
Ang simpleng caption ng dalaga: "oh hi loves have a beautiful Sunday"
Sa comments' section, komento ng isang netizen, "ang taba na ni KC"
Sagot ni KC, "Hi dear, pag pumayat ako will you cheer for me or bash mo parin ako?"
Sabi naman ng isa pang netizen, tila nabawasan na ng timbang si KC kumpara nitong mga nakaraang buwan.
"What did you do para pumayat ka ulit? Ang bilis," tanong ng netizen kay KC.
Sagot ng anak nina Sharon Cuneta at Gabby Concepcion, "No rice. I just eat Adlai during the day and fish / chicken, and I walk for 30 mins each day."
Nag-reply rin si KC sa isa niyang tagasuporta na nag-iwan ng positibong mensahe sa kanyang Instagram account.
Ani KC, "Thank you, what you give you will get [hearts emoji] I wish the same for you!!!"
Noon lang Mayo ay may ilang nambatikos kay KC ang nasopla ng dalaga.
Sa halip na gantihan ng masasakit na salita ang kanyang detractors ay pinatamaan na lang niya ang mga ito kung dapat bang ika-proud ang paninira ng iba.