Umani ng samu’t saring batikos at bashing mula sa netizens ang sinabi ng isang beauty queen mula sa Thailand tungkol kay Miss Universe 2018 Catriona Gray.
Tinawag ni Miss Grand Nakhon Phanom 2019 Coco Arayha Suparurk na "fat" si Catriona.
Si Coco ay kandidata sa Miss Grand International Thailand 2019 at umaasang makuha ang titulo upang lumaban naman sa Miss Grand International 2019.
Sa Instagram Story ni Coco kagabi, July 4, ikinumpara niya ang mga katawan ni Miss Grand International 2018 Clara Sosa ng Paraguay at ni Catriona.
Kung "FIT" daw si Coco, si Catriona naman daw ay "FAT."
Ang larawan ni Clara sa kaliwa ay kuha sa Instagram post ng Miss Grand International 2018.
Ayon sa ilang netizens, edited ang larawang ito ni Catriona at ipinakita pa nila ang totoong larawan ng ika-apat na Miss Universe mula sa Pilipinas.
NETIZENS CRITICIZE THAI ASPIRING BEAUTY QUEEN
Ikinadismaya naman ng Facebook page na Pageantry Rumors ang post na ito ni Coco.
Nakalagay sa caption: “Catriona Gray considers Thailand as her 2nd home but why?
"It’s so sad that an aspiring International beauty queen that should be a role model of a modest woman needs to post a comparison between two successful ladies.
"We don’t know the reason why Miss Coco Arayha (Miss Grand Thailand 2019 candidate) posted this but we are sure that this kind of act shouldn’t be tolerated.
"To Ms. Coco Arayha, We are still praying for your pageantry journey and Godbless.
"#NoToBodyShaming
"#StopCyberBullying
"#CocoArayha
"#PageantryRumors"
Binatikos din ng netizens mula sa iba’t ibang panig ng mundo ang tinuran ng beauty queen mula sa Thailand.
Mag nagsabi namang dapat ay pag-igihan ni Coco ang kanyang beauty-pageant journey dahil hindi pa naman siya nananalo at kandidata pa lang bilang Miss Grand International Thailand 2019.
Sa ngayon, wala pang sinasagot si Coco sa mga komento laban sa kanya.
Wala pa ring reaksiyon si Catriona sa kanyang social media accounts tungkol dito.