Hindi pa rin sinasagot ni Bea Alonzo ang mainit na pag-alma ni Julia Barretto sa umano'y malisyosong pagdawit sa kanya sa hiwalayan ng Eerie star at boyfriend nitong si Gerald Anderson.
Ang tanging ipinahiwatig ni Bea ay unti-unti na siyang nagmu-move on sa pagkasira ng relasyon nila ni Gerald.
Nitong nagdaang weekend, nakatawag ng pansin ang pagpalit ni Bea ng Instagram bio niya.
Saad niya rito, "One day at a time."
KEEPING BUSY
Kasabay nito ay namataan si Bea kasama ni Paulo Avelino at non-showbiz girlfriend ng actor na si Jodie Tarasek.
Naroon din sa kanilang umpukan ang basketball player na si LA Tenorio at asawa nitong si Chesca.
Si Jodie ang nagbahagi ng litrato ng kanilang grupo sa kanyang Instagram Stories noong August 11.
Hindi kaila na isa si Paulo sa mga malapit na katrabaho ni Bea na naghayag ng suporta sa kanya noong kasagsagan ng pag-amin ng aktres na hiwalay na sila ni Gerald.
Nag-trend pa sa Twitter ang pahaging ni Paulo nang umano'y panggo-ghosting ni Gerald kay Bea.
Kaugnay ito ng bersiyon ng kuwento ni Bea na bigla na lang daw siyang hindi kinausap ni Gerald at wala umanong pasabing nakipaghiwalay sa kanya.
Sina Bea at Paulo ay nagkatambal sa 2014 ABS-CBN drama series na Sana Bukas Pa Ang Kahapon at sa 2018 movie na Kasal.
ATTENDING MASS
Bukod sa pakikipag-bonding sa mga kaibigan, namataan din si Bea na nagsimba nitong nagdaang weekend.
Ikinatuwa naman ng mga tagasuporta ni Bea na makitang tila desidido ang aktres na mag-move on.
Base ito sa comments ng netizens na nakakalap ng impormasyon sa mga pinagkakaabalahan ni Bea ngayon.
