Nakasama ni Dimples Romana kamakailan ang close friend niyang si Angel Locsin at fiancé nitong si Neil Arce.
Wala siyang nakitang problema sa dalawa.
“Kasama ko sila nung huli, kasama ni Gel si Neil nung bumisita, nung nag-cameo sa Kadenang Ginto. She's okay," sabi ni Dimples nang makausap ng PEP.ph (Philippine Entertainment Portal) sa mediacon ng Skin Magical Gandang Palaban nitong Agosto 16, Biyernes, sa Terrace Manila, Quezon City.
Tuloy ang kasal nina Angel at Neil?
“Tuloy ang wedding. Baka masabi ko kung kailan, Dyusko, Lord!” bulalas pa ni Dimples.
“Details? Mayroon na, but I'm not about to divulge. Wala pang go signal ni Sir.
"Don't worry, as soon na makakapagsabi ako, magpapa-presscon ako sa inyo. ‘Guys, ready na ang details.’”
Alam ni Dimples kung gaano kamahal ni Neil ang kaibigan niya.
“It's going to be a magical wedding.
"Neil naman from the very beginning, talaga namang ini-spoil si Gel, sobrang alaga ni Neil kay Gel.”
Clueless naman si Dimples sa isyung baon daw sa utang si Neil.
“Hindi ko yun alam, sorry. I can only comment kung alam ko, pero wala yun.
"Dyusko! Si Neil pa ba?! I haven't heard about it yet.
“I don't think so because Neil is a very upright person. I know him 'coz nakakasama ko naman siya.
“Napakabuting tao nun, makulit lang, sobrang makulit.”
DANIELA MONDRAGON TO ATTEND ANGEL-NEIL WEDDING?
Dahil eksenadora ang karakter niyang si Daniela Mondragon sa Kapamilya teleseryeng Kadenang Ginto, how true na nakapula siya sa kasal nina Angel at Neil?
“Alam mo, napakabuwisit talaga ng kaibigan kong 'yan!” himutok ni Dimples.
“Alam mo, si Gel ang pinaka-biggest basher ko.
"Hindi niyo napansin, pag finollow ninyo kami sa Instagram, pag may sinabi akong maganda about her, nagagalit siya.
“Ayaw niya, hindi siya sanay ng ganun na sobrang bait ko sa kanya.
“Minsan, nag-Facetime kami. Sabi ko, ‘Hi.’ Siyempre, nakapula ako, naka-Daniela ako.
“Tawang-tawa siya, ‘Oh my God, nakapula ka pa rin!’
"Sabi niya, ‘Sa wedding ko, magpula ka, ha?’
“Sira-ulo ka ba?!”
ANGEL'S CRYPTIC POST
Clueless naman si Dimples sa cryptic post ni Angel sa Instagram na: “My loyalty kept me in some situations that common sense should've taken me out.”
“Naku, hindi, Diyos ko! Nag-e-empower lang siya,” bulalas ng Kapamilya actress.
“Alam nyo naman si Gel talaga, real-life hero din 'yan, e.
"Minsan, yung mga mensahe niya is not about herself but also for other people na may pinagdadaanan.
“Katulad ko, ako, pag nabasa ko yun, si Gel, very sensitive 'yan sa followers niya, alam niya lahat ng followers niya, minsan may pinagdadaanan, minsan wala."