Napaaga ang Pasko ng dalawang fans ni Vice Ganda matapos niyang tuparin ang nai-tweet na kahilingan ng mga ito.
Martes ng umaga, October 15, nang magkasunod na mag-tweet si Xeekaiii (@emrealmz) para makiusap na sana ay available pa ang bagong labas na limited edition ng BT21 collection ng ViceCosmetics, dahil naudlot ang nakatakdang pagbili niya rito.
Ayon sa fan ni Vice, excited na siyang bumili ng naturang make-up collection ng iniidolong It’s Showtime host, “pero exam week nga pala nang kapatid ko may babayaran pala ako.”
Tweet ni Xeekaiii: “Yung sweldo ko na at excited na ako bumili nang BT21 collection nang @vicecosmeticsph pero exam week nga pala nang kapatid ko may babayaran pala ako. :( Hayyst! next time nalang ako bibili. Sana available pa. (praying hands emoji) @vicegandako.”
Yung sweldo ko na at excited na ako bumili nang BT21 collection nang @vicecosmeticsph pero exam week nga pala nang kapatid ko may babayaran pala ako. :( Hayyst! next time nalang ako bibili. Sana available pa. ???? @vicegandako
— xeekaiii ? (@emrealmz) October 15, 2019
Makalipas lang ang tatlong minuto, nag-reply si Vice sa tweet ni Xeekaiii: “what’s ur address? DM me and i’ll send you the complete collection.”
what’s ur address? DM me and i’ll send you the complete collection. https://t.co/I40f0UMOyD
— jose marie viceral (@vicegandako) October 15, 2019
Nagpasalamat naman ang fan kay Vice, na “hindi makapaniwala” sa natanggap niyang “gift.”
Nauna rito, isang estudyante ng Arellano University, na may Twitter handle na John Rey (@IamJhnRy), ang diretsahang humiling ng “christmas gift” kay Vice para makadalo siya sa senior ball ng kanilang eskuwelahan.
Tweet ni John Rey: “@vicegandako meme vice we have a senior ball in our school and then the theme is Modern Filipiniana, I hope na mabihisan niyo ko meme vice christmas gift narin po hihihi, nakakahiya man pero kakapalan ko na mukha ko para maging maganda sa ball and slay like you (two hearts emoji) Thank you meme.”
Sagot ni Vice: “So u wanna experience slaying the red carpet just like me? When is ur ball?”
So u wanna experience slaying the red carpet just like me? When is ur ball? https://t.co/wntt7YFh3C
— jose marie viceral (@vicegandako) October 15, 2019
Bakas ang excitement sa reply ni John Rey: “Omygosshh!! December 13 po meme vice.”
Karaniwan nang inaabangan at nagba-viral ang gowns ni Vice kapag rumarampa sa red carpet—tulad ng bonggang Carnival Queen-inspired gown niya sa ABS-CBN Ball nitong September 14.
Kuwela naman ang sumunod na tweet ni Vice: “Anung level of chugugness ang gusto mong maachieve sa ball? Gusto mo ba yung pagdating mo maguuwian na sila?”
San ang venue? Anung level of chugugness ang gusto mong maachieve sa ball? Gusto mo ba yung pagdating mo maguuwian na sila? https://t.co/4I0IKeKzz6
— jose marie viceral (@vicegandako) October 15, 2019
Abut-abot ang tuwa ni John Rey sa pangarap niyang "natupad" ni Vice, kaya naman nagawa niyang i-share ang screenshot ng palitan nila ng direct messages ng comedian-TV host.
