Hindi maikakaila na maraming kontrobersyang nangyari nitong nakaraang Nivea Challenge na ginanap sa Pearl Farm, Davao City, noong January 24-27. At isa nga si Say Alonzo na hindi nakaligtas sa mga isyu dahil napabalita naman na sobrang visible raw ang mga kiss marks niya sa leeg.
At ang itinuturong dahilan ng mga kiss marks na yun is a certain guy named Jon Herrera, na napag-alaman ng PEP (Philippine Entertainment Portal) na isa palang DJ sa Embassy Bar and, at the same time, part-owner din daw ng naturang club.
Nang makausap ng PEP si Say kailan lang, itinanong namin agad sa kanya ang katotohanan sa likod ng kiss-mark issue.
Aniya, “Alam n’yo, hindi ko alam kung saan nag-start yan, eh. Maputi ako, kinagat ako ng lamok, ano ang magagawa ko?” ang natatawa niyang sabi.
Dagdag pa niya, “Seriously, yun talagaang totoo. Pati sa arm, meron siya! At saka, hindi lang ako ang may kagat ng lamok, marami kami, nakakatawa talaga. Kahit sa TV Patrol, ipinakita ko na kapag kinurot mo lang ako ng konti, magkakaroon na agad ng red na mark."
Nanindigan si Say na nag-enjoy lang siya sa Pearl Farm at walang ginawang masama.
"Nakakatawa kasi, sa Nivea naman, we had a lot of fun in Pearl Farm. Sobrang saya ro’n at natutuwa ako dahil pangalawang beses ko nang sumali para sa sportsfest nila. At saka, single naman ako, wala akong ginagawang masama. Nakakatawa na may mga ganyang isyu na kiss mark and everything…at talagang ako pa talaga ha? Nakakatawa lang talaga dahil pati ang mga kaibigan ko, nagtawagan sa akin. They are saying, ano ba yang kiss mark thing na yan?” kuwento ng dalaga.
At halimbawa man na nagkaroon nga siya ng kissmark, hindi raw niya ipapangalandakan iyon.
“Kumbaga, kung may nangyaring ganyan, ang tanga-tanga ko naman! Bakit naman, ipo-flaunt ko pa in front of everyone kung talagang kiss mark siya? Eh, hello…I love make-up, eh, ‘di dapat,nag-concealer ako. Kung talagang kiss mark siya, dapat nakatago siya,” aniya pa.
Napansin ng PEP na habang kausap si
Say, hindi nito binabanggit ang name ng guy. Katuwiran niya, wala siya sa
posisyon na magsalita for the guy.
Nahihiya rin daw siya na nadadawit ang pangalan nito sa kiss-mark
isyu.
Pero ano at sino nga ba sa buhay niya si Jon Herrera? Puwede kayang sabihin na ang naturang DJ ang special guy sa buhay niya ngayon?
“He’s afriend of mine. Actually, we’re schoolmates in C.S.B. [College of St. Benilde]. And he’s one of my good friends.”
Ibig ba niyang sabihin, there's nothing really romantic between the two of them despite the fact na ito ang lalaking iniugnay sa kanya?
“Something romantic? Wow! Ito ang mahirap kapag nagiging close mo ang isang tao with the opposite sex, parang may something na. Pero with this guy, he’s a friend. Walang halong ka-showbizan, he’s a friend,” ang diretsahan niyang sagot.
Lastly, PEP asked her about the status of her lovelife.
“Ako? Single ako. Single and work muna kasi, ano eh, kapag nagkakaroon ako ng lovelife parang nadi-distract ako. So ngayon, ang priority ko, work. Gusto kong magkaroon ng maraming work, 'yung hindi na ko makakatulog para hindi ko na maisip na wala pala kong lovelife,” natatawa pa niyang sabi.