Sa interview ng PEP (Philippine Entertainment Portal) kay Regine Velasquez ay sina Mark Anthony Fernandez, Wendell Ramos, at Dr. Hayden Kho, Jr. pa lang ang alam niya na siguradong kasama sa gagawin niyang teleserye sa GMA-7, ang Kim Sam Soon.
Aprubado sa Asia's Songbird si Mark Anthony as her leading man. Ani Regine, "He's supposed to be younger." Ganun din sina Wendell as her ex-boyfriend at si Dr. Hayden sa role ng doctor, na na-in love kay Hannah, portrayed by Korean-American actor Daniel Henney in the original Koreanovela Kim Sam Soon.
Kung sino ang gaganap sa role ni Hannah ay hindi pa alam ni Regine. Kaya ang PEP na ang magbabalita sa kanya na si Nadine Samonte ang napili ng GMA-7 at creative team ng local version ng Kim Sam Soon to play the role of the ex-girlfriend of Cyrus na umalis for the States dahil nagkasakit.
Sabi ng kausap ng PEP, perfect si Nadine sa role ni Hannah. Gaya ng Korean actress na si Jeong Ryeo-won na gumanap na ex-girlfriend ni Cyrus, sweet and pretty rin si Nadine at babagay siya kina Mark Anthony at Dr. Hayden.
Incidentally, nagkasama na sina Nadine at Dr. Hayden sa Marimar. Kahit wala silang masyadong eksena sa naturang soap opera, naging maganda pa rin ang working relationship nila. Naalala ng PEP na sa Christmas party ng Marimar, sila ang madalas magkausap kaya hindi na nila kailangang kilalanin pa ang isa't isa.
Ang Kim Sam Soon ang susunod na gagawin ni Nadine after Maging Akin Ka Lamang na malapit nang magtapos. Ito rin ang magpapabalik sa young actress sa primetime slot ng GMA-7. Hindi na siguro siya magtatanong kung ano ang next project niya dahil heto na nga ang Kim Sam Soon at makakasama pa niya si Regine.