Walang masyadong intriga at kontrobersiya sa buhay ng Filipino international artist na si Lea Salonga. Noong magpakasal siya sa kanyang mister na si Robert Chien, halos wala ring intriga na bumalot sa kanilang pagsasama. Nabiyayaan pa sila ng isang baby girl na pinangalanan nilang Nicole Beverly.
Pero sa isang tahimik na samahan, hindi maiwasan na may manggulo. Hindi mawawala ang may mang-intriga o ang sirain ang maayos na pagsasama nila.
Gaya na lamang ng lumabas na blind item kamakailan na obvious namang sina Lea at Robert ang tinutukoy. Ayon sa blind item ay may problema raw sa pagsasama ngayon ng mag-asawa. Pero nang tanungin ng PEP (Philippine Entertainment Portal) si Lea tungkol dito, sinabi niya na wala siyang dapat i-explain dahil masaya ang pagsasama nila ng kanyang mister.
"I am happily married and we're very much together," nakangiting sabi ni Lea. "I don't know where all that is coming from. But we're fine. If it were true, I think it would come out from our lips first kasi wala naman akong hiya if that was the case.
"God forbid if ever that happened to me, hindi ko naman itatago. I wouldn't brag about it, but I wouldn't hide it," aniya pa.
Nakapagtataka nga for Lea na ang mga lumalabas na masamang balita ay ang diumanong pambababae ng kanyang mister. Natawa na lang si Lea at sinabing baka napagkamalan lang na mister niya ‘yon since hindi raw ito masyadong nakikita in public.
"Robert is not somebody na nakikilala kaagad in public," diin ni Lea. "Gusto niya yung he's able to go around without being recognized. That's my job, to be a public face.
"What's funny pa nga is that maraming hindi nakakaalam na dito [sa Pilipinas] na pala kami nakatira. We actually moved here in 2005 and he had a wonderful opportunity to work for a wonderful company. So how would they even think na asawa ko yung nakikita nila, e, he's not even recognized that well in public?"
Alam daw ni Lea ang lahat ng mga nasusulat tungkol sa kanilang mag-asawa. Imposible rin daw na may maitago sa kanya ang kanyang mister na hindi niya nalalaman.
"I read everything and my husband doesn't hold [back] anything from me. When that news came out, it's like ‘What is this?' And it's easy to debunk everything. Everything that came out in any of those articles is easy to disprove. I know my husband's whereabouts all the time, so those tsismis are not true at all," saad ni Lea.
Mapapanood muli si Lea sa Philippine stage sa pagbubukas ng Cinderalla sa Cultural Center of the Philippines.