Very vocal si Claudine Barretto sa pagsasabing sa kanyang pagbabalik-telebisyon sa ABS-CBN via Maligno, she's hoping that she would live up to the expectations of Ms. Susan Roces sa role na kanyang gagampanan. Aminado ang aktres na sa bagay na ito siya talaga nagkaroon ng kaba at takot dahil hindi biro ang gampanan ang karakter as Angela, na nagbigay sa Reyna ng Pelikulang Pilipino ng kanyang kauna-unahang best actress trophy 30 years ago.
Pero wala ngang dapat ipangamba si Claudine dahil sa press preview ng Maligno sa Studio 1 ng ABS-CBN last Wednesday, April 16, ay all praises si Ms. Susan Roces sa napakagandang TV remake ng kanyang horror film.
Sambit ni Claudine, "Sobrang thankful talaga and I told Tita Susan, I can breathe now kasi yung presence pa lang niya, nakakanginig na, e. Alam naman nating lahat na she's the queen of all queens dito sa show business. Napakalaking karangalan na naibigay sa akin ang isa sa mga Susan Roces collection na para i-remake ko, ‘tapos nagustuhan pa niya. It's really such a privilege and I'm really thankful.
"It's really an honor for me to be given this kind of project and working with a great cast is also amazing. This is my first horror series on television. At mahirap talaga ang horror, yung kakaibang emosyon ng takot, napakahirap ipakita at ipadama ng gano'n sa telebisyon. Kaya challenging talaga yung role na ito for me," pahayag ng tinaguriang Prinsesa ng Teleserye sa panayam sa kanya ng PEP (Philippine Entertainment Portal).
Kasama rin sa TV remake ng Maligno si Ms. Susan Roces in a very special role, along with Diether Ocampo, Rafael Rosell, Kim Chiu, Gerald Anderson, DJ Durano, Arlene Tolibas, Empoy, at ang baguhang child actor na si Carlo Lacana. Ito ay mula sa direksiyon ni Wenn Deramas.
Since ang role ni Claudine dito ay isang babaeng nakatakdang magsilang ng anak ng demonyo, marami ang nagtatanong kung hindi ba siya natakot to accept the role, lalo pa't everybody knows that she's a Born-Again Christian.
"Yes, actually I'm a Christian and it's very difficult for me," sagot ni Claudine. "Kasi, unang-una, nakakatakot to deal with demons. When we had the story conference, I asked my pastor from Victory Christian Fellowship for advice if I should go on and his answer was he believes that I'm emotionally, spiritually, physically, mentally equipped as a Christian to do this role.
"And every time we start taping, yes, we pray. Kapag may mga eksena na nakakatakot at maseselan, may mga Bible verses na paulit-ulit kong pini-pray sa utak ko. At the end of the day naman, it is just a role. What's important is how strong your faith is and right now, buo na talaga ang pagiging Christian ko," paliwanag ng aktres.
RIVALRY WITH JUDY ANN. Sinagot din ni Claudine ang mga naglalabasang issue ngayon tungkol sa patuloy na pagtatapat sa kanila ni Judy Ann Santos. May tsika kasing naglabasan na kesyo nagkaroon daw ng isnaban sa pagitan nila at iniiwasan daw siya nito during the pictorial of Preview magazine, kung saan cover sila together with Ruffa Gutierrez and Gretchen Barretto.
"Ang alam ko, okay kami ni Juday," sabi ni Claudine. "Walang problema sa aming dalawa. I cannot comment doon sa sinasabi ninyong guesting niya sa Showbiz Central. May nagkuwento lang sa akin, pero hindi ko alam ang buong detalye. I cannot really comment kasi hindi ko napanood. Ako kasi ngayon, ang ugali ko, I'd like to give everybody the benefit of the doubt before saying anything.
" The last time we saw each other, doon sa commercial na ginawa namin. We took pictures pa nga of our daughters and my son, okay talaga kami. Nag-picture taking kami. We had so much fun doing the commercial together, we're really okay.
"Hindi kami textmate ni Juday, pero when we're together, we had fun, nagkukuwentuhan kami about our kids. We're not close but we are friends. Lagi naman kasing pinagtatapat ni Juday sa isa't isa. Yung rivalry siguro forever na 'yan, pero ang maganda sa amin ay okay kaming dalawa naman."
So may possibility bang maging close sila ni Juday eventually?
"Ako, yes," sagot niya. "Kaya lang, it's gonna be hard na maging close kami kasi, even if we want to, people always want us to compete. Siyempre, mas makulay naman ang showbiz ‘pag may competition. Every time kasi na magkakaroon kami ni Juday ng chance maging close, biglang magiging sobrang busy kami pareho, biglang hindi matutuloy."
Isa pang issue ay pinagaagawan diumano nina Claudine at Juday ang kung sino talaga ang reyna ng ABS-CBN?
"Alam n'yo, opinion na lang ng tao 'yan, e. Ako, never ko namang iniisip ang bagay na 'yan. Feeling ko naman, lahat kami dito sa ABS-CBN, nabibigyan ng magandang projects at naaalagaan nang husto," pahayag ni Claudine.
PROJECT WITH GABBY. After ng Maligno ay nakatakda na ring simulan ni Claudine ang bago niyang teleserye. This time, ang comebacking actor na si Gabby Concepcion ang kanyang makakasama.
"Yes, we will start taping on May 2," pagkumpirma ni Claudine. "May working title ito na Iisa Pa Lamang. I'm excited dahil first time ko siyang [Gabby] makakatrabaho. Hindi ko pa nga siya nakikita in person, e. Nung makita ko siya sa TV, ang guwapo pala talaga niya kaya ano pa kaya in person. Maganda ang kuwento nito, but as of now confidential pa kasi ang detalye, e."
Makakasama nina Claudine at Gabby sina Diether Ocampo, Eddie Gutierrez, Maricel Laxa, Cherry Pie Picache, Laurice Guillen, and Ms. Susan Roces, with director Ruel Bayani at the helm.