Sa nalalapit na pagtatapos ng Kamandag, hindi pa nga raw alam ni Jewel Mische kung ano ang magiging ending ng kanilang telefantasya.
Nabigay na raw ang last taping day nila for Kamandag pero wala pa sa kanila ang script. Pinakakaingatan talaga ang magiging ending ng Kamandag dahil bonggang-bongga nga raw ito.
"Honestly, hindi ko pa talaga alam what will happen sa ending ng Kamandag," malambing na sabi ni Jewel.
"Kahit nga ang character ko, hindi ko alam kung ano ang mangyayari talaga. It's all a secret talaga. Tanong nga kami nang tanong pero ayaw nilang sabihin. Okey lang para nandoon ang suspense, ‘di ba?"
Mami-miss nga ni Jewel ang mga co-stars niya sa Kamandag lalo na raw si Richard Gutierrez na malaki ang naging kontribusyon sa pag-enjoy niya doing the show.
"It's always a pleasure working with Richard kasi napaka-supportive niyang tao. Hindi siya madamot sa mga nalalaman niya and he's someone na mami-miss talaga ng kahit sino.
"But of course, I will also miss yung iba like si Mark [Anthony Fernandez], Ehra [Madrigal], Maxene [Magalona] and Ate Eula [Valdez] and the rest. They make work such a fun thing to do sa set ng Kamandag."
Nagpasalamat nga si Jewel na nagsimula at matatapos ang Kamandag na walang naging bad issue sa kanila ni Maxene Magalona. Kung kanino raw mapunta si Richard sa ending, magiging masaya ang dalawang babae for one another.
"Maxene is such a sweet girl. Okey ang working relationship namin. I'm so glad na walang nag-attempt na intrigahin kami. Kasi wala naman talaga. Okey kami ni Maxene all throughout.
"Sabi nga namin na kung kanino mag-end up si Kamandag, we will be happy for one another. Gano'n naman kasi talaga, ‘di ba? Sa isang story naman, one cannot have both. Isa lang dapat ang piliin sa ending. Kaya whoever sa amin ni Maxene, we will be happy with the result."
Umaasa ba si Jewel na sa kanya mapunta si Richard sa ending?
"No naman. Never ko iniisip iyon since we started working in Kamandag. It's all up to our writers kung ano ba ang dapat na proper ending. Whatever the ending is, I know na magugustuhan ito ng mga supporters namin," pagtatapos ni Jewel Mische.