Ilang weeks na nga lang ang itatakbo ng Babangon Ako't Dudurugin Kita na ayon sa bida nito na si Yasmien Kurdi ay hindi na talaga maaari pang i-extend dahil sigurado raw na masisira lang ang istorya.
Pero, aniya nang makausap ng PEP (Philippine Entertainment Portal), masayang-masaya siya sa rating na naitatala nila at sa mga feedback at comments na natatanggap nila.
"Hindi na po talaga puwedeng i-extend kahit mataas ang rating. As in, nagulat po kaming talaga sa rating lalo na noong lumabas na ako as Salve at kinawawa na niya sina Via at Alfred. Pati yung Joaquin Bordado, nataasan din niya sa rating, which is, hindi po talaga namin ine-expect. Kaya ang saya pong talaga, pero yun nga lang po, hindi na po talaga puwedeng i-extend pa."
THE BEST. Hinding-hindi makakalimutan ni Yasmien ang Babangon sa direksiyon ni Joel Lamangan, na itinuturing niyang "the Best," bukod sa naipakita raw ni Direk Joel ang ibang kaya pa niyang gawin sa pag-arte.
"Gusto ko pong magpasalamat sa lahat ng nanonood at pumupuri sa acting ko. Ibang klase po kasi ang mga eksena namin sa Babangon. Kumbaga, naipapakita po sa palabas namin ang realidad ng buhay, kung ano talaga ang nangyayari at situwasyon din sa ating lipunan at pulitika na talagang nangyayari in real life.
Isa pa raw sa nakakapagbigay ng inspirasyon sa kanya ay nang makabasa raw siya ng comment na ang Babangon ang siyang pinaka-intelligent soap sa GMA-7.
OVER-EXPOSURE. On the other hand, hindi raw talaga maaaring maiwasan ang tinatawag na over-exposed kung sa katulad niya na napapanood na gabi-gabi at meron pa rin sariling show na pinagbibidahan tuwing Linggo.
Naramdaman daw niya 'yon with Tasya Fantasya.
"Agree po ako ro'n, kasi, kapag angat ang isa sa show mo, meron din isa na medyo bababa. Nagkataon kasi na ngayon din umere ang Tasya, although, last year pa naman talaga. Pero kahit ako rin naman, walang magagawa dun.
"Happy pa rin naman po kami, kasi karamihan naman ng episodes namin sa Tasya, angat naman pong talaga ang rating namin."