Who would think na ang dating matinee idol, na nakilala dahil sa kanyang playboy image—si Gary Estrada—could make his marriage last? Seven years na rin since ikinasal sila ng asawa niyang si Bernadette Allyson. Now, they are blessed with three beautiful children.
Nang makita ng PEP (Philippine Entertainment Portal) si Gary ay kauuwi lang nilang mag-anak from their out-of-town vacation sa Subic.
"Wala lang, nagbakasyon lang ng konti. Medyo maluwag kasi ang schedules ngayon dahil katatapos lang ng naging teleserye ko sa GMA-7, yung Kaputol ng Isang Awit. At saka, at least, bago rin pumasok sa school yung panganay, nakapagbakasyon na rin kami.
"Siguro anytime, uuwi naman kami sa Quezon, sa farm, mag-i-stay kami ro'n ng ilang days. Alam n'yo naman ako, iba talaga yung tawag sa akin ng buhay sa farm," natatawang sabi niya.
CONTROVERSY AT THE FARM. Speaking of his farm, may mga isyung lumabas kaugnay ng farm niya sa Tiaong, Quezon. Diumano, may kaugnayan sa isyu ang ina ni Gary na si Agnes Moran. Lumabas kasi ang balitang naisangla raw ni Gng Moran ang property ni Gary, na matagal ding sinikap maipundar ng aktor.
Pero halatang relieved na si Gary sa isyung ito dahil okey na raw ang lahat at naibalik na rin kanya ang titulo ng lupa. Aminado si Gary na para muling mabawi ito ay ilang milyon ang naubos niya dahil tumagal ang kaso.
Gayunpaman, isang bagay ito na ayaw nang idetalye ng aktor. Aniya, "Okey na yun, tapos na yun. Ang mahalaga, nasa akin na ulit yung farm. Although hindi naman nawala dahil kahit nung time na nawala pansamantala sa akin ang titulo, ako pa rin yung nandoon sa farm. Hindi naman nangyari yung hindi namin ito napupuntahan.
"Siyempre, hassle lang, mahirap lang yung proseso. Pero okey na, masaya ako na naibalik na. Kung anuman yung mga nangyari, wala na yun. Ngayon nga lang, mas careful na ako, especially sa titles ng mga property."
Dahil sa pangyayaring ito, napatunayan ang pagiging mabuting anak ni Gary sa kanyang ina. No wonder, ang description ng asawang si Bernadette kay Gary ay napakabait na asawa, kaya going strong pa rin ang pagsasama nila.
WAITING FOR NEXT PROJECT. After Kaputol ng Isang Awit, naghihintay lang daw si Gary ng follow-up project na puwedeng ibigay sa kanya ng GMA-7. Ayon sa aktor, masaya siya being a Kapuso.
"Ilang taon na rin ako na halos lahat ng shows ko, puro GMA. Masasabi ko na mas gamay at mas kumportable ako working with GMA people," sabi niya.
Pero nilinaw naman ni Gary na he's not exclusive to the Kapuso Network, kaya open din siya to do projects kahit sa ibang network, as long as maganda naman ang offer. Kung siya raw ang masusunod, gusto raw niya na kasing ganda sana ng naging role niya sa Kaputol ang Isang Awit ang susunod niyang gawin.