Overwhelmed by the good reviews, abot-abot ang pasasalamat ng bida ng pinakabagong teleserye ng ABS-CBN, ang Iisa Pa Lamang, na si Claudine Barretto sa magagandang salita after the press preview held last Friday, July 4.
Kumbaga, ang napanood daw sa preview ay halos patikim pa lang dahil first week pa lang ang ipinakita sa members of the press. Ayon kay Claudine, marami pang dapat abangan ang mga televiewers sa kanilang pinakabagong soap opera na magsisimula na sa Monday, July 14.
"Kasi po, marami pa po silang makikitang kakaiba sa Iisa Pa Lamang. Nasisiguro po namin na makikilala at mamahalin ng lahat ng manonood ang bawat character na mapapanood nila at ang pagbangon ng mga ito. Para rin pong sa isang pelikula ang pag-atake ng mga director. Every sequence, every line, pinaghirapan po naming talaga," saad ni Claudine sa grand press con ng Iisa Pa Lamang kagabi, July 8, na ginanap sa Plaza Ibarra sa Timog Ave., Quezon City.
Napakarami ring physical scenes ni Claudine sa series, pero hindi lang daw siya rito nahirapan.
"Actually, nahirapan po ako physically, emotionally, at mentally," banggit ng aktres. "Kapag umaarte ka po kasi, lahat yun magagamit mo. Talagang napaka-draining. Pero kapag napanood mo naman na po, sobrang worth it naman po."
THREE-IN-ONE CELEBRATION. This July 20, Claudine is turning 29. Kasabay rin niya ng birthday ang kanyang mister na si Raymart Santiago, who is turning 35 naman. A day before their birthday, their son Santino will also celebrate his first birthday.
But instead na sa July 19, sa 20 na raw ang magiging birthday party ni Santino kasabay ng kanyang dedication. Biro ni Claudine, para tipid na raw. May lineup na rin ng mga ninong at ninang na kinuha sina Raymart at Claudine for their son.
"Sina Robin Padilla, Edu Manzano, Kris Aquino, Piolo Pascual, Diether Ocampo... May sampu sila, pero hindi sila as pair. Noong isinulat namin, hindi ko nga alam kung ilan yung girls at kung ilang yung boys. Marami pa rin kasing non-showbiz kaming kinuha," lahad ni Claudine.
When asked kung ang kanyang kapatid na si Gretchen Barretto ay hindi kasama sa mga ninang, Claudine told the entertainment press na malamang, ang anak daw nito na si Dominique Cojuangco ang kuhanin nila.
PROUD MAMA. Claudine is a picture of a very proud mother basta rin lang ang dalawang anak niya na sina Sabina at Santino ang kinukumusta sa kanya.
"Kaka-four lang mi Sabina last month naman. Ang tangkad at saka, sobrang smart! Sobrang talino! Gifted talaga, sobra!" proud na sabi ni Claudine.
Sa ngayon, wala na raw mahihiling pa si Claudine sa mga magagandang nangyayari sa buhay niya. Puro pasasalamat na lang daw ang gusto niyang gawin sa birthday niya.
"This birthday, magte-thank you na lang ako sa mga blessing. But then again, sisingit ako ng isang wish. Sabi ko, yun ang good health for Raymart, for family and for the kids. Yun lang. Kasi yun lang naman ang pinakaimportante, yung healthy silang lahat."
DEFENDING RAYMART. Nagsalita rin si Claudine tungkol sa isyung sa kanilang mag-asawa raw ay siya ang nakikita ng mga taong mas nagtatrabaho at mas maraming projects kumpara kay Raymart, na sa ngayon ay wala pa talagang project na ginagawa. Ang dating, tipong si Claudine lang daw ang kumikita sa kanila ngayon.
"Si Raymart ngayon, abala... Kasi ‘yan, kapag nag-start magtrabaho, naka-focus talaga siya. Pero ngayon, ang priority niya, yung pagiging triathlete niya. Nagta-triathlon siya like last Sunday, nag-race na naman siya. Siyempre, balang-araw ang goal niya ay makasali siya sa Iron Man na yun, which is very good. So, doon siya abalang-abala ngayon. And soon, he's gonna be doing a project with GMA-7."
Dagdag niya, "Kasi si Raymart, ganoon, e. Kapag may ano talaga, doon muna siya magpo-focus. Siguro dahil alam naman niya na marami rin siyang naipon kaya kapag meron siyang gusto, doon muna siya talaga nagpo-focus."
Hindi pa raw nawawala ang mga foundation na tinututukan nilang mag-asawa.
"Naka-focus kami ngayon sa Bantay Bata at saka Caritas. So, parang God, He's the father, the Kuya of Bantay Bata. Kung tahimik ang asawa ko ngayon is because he's cooking up at may niluluto siyang mas malaki," sabi ni Claudine.