Kahapon, August 17, sa backstage ng SM North Entertainment Center, marami ang nakapansin sa hindi pagpapansinan ng rumored sweethearts na sina Sam Milby at Anne Curtis nang parehong mag-guest ang dalawa sa 3rd anniversary ng Wow! Ang Showbiz!, ang radio show na pinangungunahan ni Ogie Diaz sa DZXL.
Noong una, akala namin ay ang PEP (Philippine Entertainment Portal) lang ang nakapansin sa pagiging malamig sa isa't isa nina Anne at Sam, na usually ay parati namang na sweet na sweet, pero marami pala.
Magka-connect ang dressing rooms sa backstage at parehong nakaupo sa corner ang dalawa, sa magkahiwalay na room. May mga nagsabi ring hindi sila magkasabay dumating, gaya ng inaasahan ng kanilang fans. Magkasunod silang dumating at agad na nagtungo sa kani-kanilang dressing rooms.
Nauna si Anne pero halata raw na wala itong sigla. Sumunod naman itong si Sam na kahit daw nakita na si Anne sa isang sulok ay hindi nito nagawang lapitan or tabihan. Dumire-diretso lang daw ito sa kabilang room at doon nag-decide na mag-stay hanggang sa tawagin na siya sa stage.
Halata rin na wala sa mood si Anne at hindi umiimik. Nang tanungin nang PEP, sinabi naman ni Anne na pagod lang daw siya.
Kahit kamustahin ng PEP ang Dyosa at ang rating nito, bagamat ngumiti at sinabing okey naman ang rating nila at mataas naman daw since it's pilot, obvious na medyo matamlay ang young actress.
Hinihintay ng PEP at ng mga tao kung lalapit ba si Sam kay Anne, pero hanggang sa naisalang na
si Anne sa stage at umalis, ni hindi nagpansinan or nagpaalam man lang sa isa't
isa ang dalawa.
Kung halatang wala sa mood si Anne, obvious din si Sam, na kilala naman sa pagiging palangiti, na tila "mainit ang ulo."
Iisa ang conclusion ng halos lahat ng tao na naroroon. Mukhang may "LQ" or lovers quarrel daw sina Anne at Sam na siyempre pa, bukod-tanging ang dalawa lang ang makakapagpatunay kung meron nga at kung ano ang pinag-ugatan ng tampuhan nila, kung meron man.
Although, sabi rin ng ilang taong malapit sa dalawa na naroroon, ganoon naman daw talaga sina Sam at Anne kapag may tampuhan ang mga ito. Nahahalata raw talaga dahil parehong transparent ang dalawa.
Feeling din nila, kung may LQ man or tampuhan nga ang mga lead stars ng Dyosa, baka raw by this time ay naayos.